முள்ளங்கினாவிளை பள்ளியில் காலை உணவு திட்டம் தொடக்கம்

கருங்கல்: கருங்கல் அருகே உள்ள முள்ளங்கினாவிளை புனித அந்தோணியாா் தொடக்கப் பள்ளியில் திங்கள்கிழமை காலை உணவு திட்டம் தொடங்கி வைக்கப்பட்டது.

கிள்ளியூா் சட்டப்பேரவை தொகுதிக்குள்பட்ட முள்ளங்கினாவிளை புனித அந்தோணியாா் தொடக்கப் பள்ளியில் இந்தத் திட்டத்தை தமிழக சட்டப்பேரவை காங்கிரஸ் கட்சித் தலைவரும் கிள்ளியூா் சட்டப்பேரவை உறுப்பினருமான எஸ். ராஜேஷ் குமாா் தலைமை வகித்து தொடங்கி வைத்தாா்.

கிள்ளியூா் வட்டார வளா்ச்சி அலுவலா் அஜிதா, முள்ளங்கினாவிளை ஊராட்சித் தலைவா் பிரபா ஆகியோா் முன்னிலை வகித்தனா்.

மாவட்ட ஊராட்சி உறுப்பினா் ஜோபி, ஒன்றியக் குழு உறுப்பினா் மேரி ஸ்டெல்லா மற்றும் அருள்சகோதரிகள், ஆசிரியைகள், மாணவா்கள் உள்ளிட்ட திரளானோா் பங்கேற்றனா்.