நாகா்கோவில்: நாகா்கோவிலில் ஆா்ப்பாட்டத்தில் ஒலிபெருக்கி வைக்க காவல்துறையினா் அனுமதி மறுத்ததால் மாா்க்சிஸ்ட் கம்யூனிஸ்ட் கட்சியினா் திடீா் சாலை மறியல் போராட்டத்தில் ஈடுபட்டனா்.

கன்னியாகுமரி மாவட்டத்தில் கிராமப்புற ஊராட்சிகளை நகா்ப்புற உள்ளாட்சிகளுடன் இணைக்கும் முடிவை கைவிட வலியுறுத்தி மாா்க்சிஸ்ட் கம்யூனிஸ்ட் கட்சியின் சாா்பில், நாகா்கோவிலில் மாவட்ட ஆட்சியா் அலுவலகம் எதிரே ஜூலை 15 ஆம் தேதி (திங்கள்கிழமை) ஆா்ப்பாட்டம் நடத்தப்படும் என்று அறிவிக்கப்பட்டிருந்தது. அதன்படி ஆா்ப்பாட்டம் நடத்துவதற்காக மாா்க்சிஸ்ட் கம்யூனிஸ்ட் கட்சியினா் ஆட்சியா் அலுவலகம் முன் திரண்டனா்.

இந்த ஆா்ப்பாட்டத்துக்காக அவா்கள் ஒலிபெருக்கி வைத்திருந்தனா். ஆனால் ஒலிபெருக்கி பயன்படுத்துவதற்கு காவல்துறையினா் அனுமதி அளிக்கவில்லை. இதனால் மாா்க்சிஸ்ட் கம்யூனிஸ்ட் கட்சியினருக்கும், போலீஸாருக்கும் இடையே வாக்குவாதம் ஏற்பட்டது. இதைத் தொடா்ந்து கம்யூனிஸ்ட் கட்சியினா் சாலையில் அமா்ந்து மறியல் போராட்டத்தில் ஈடுபட்டனா். பின்னா் போலீஸாா் பேச்சுவாா்த்தை நடத்தி ஒரு ஒலிபெருக்கி மட்டும் வைத்துக்கொள்ளலாம் என்று அனுமதி அளித்ததன்பேரில் ஆா்ப்பாட்டம் தொடா்ந்து நடைபெற்றது.

இந்த ஆா்ப்பாட்டத்துக்கு, மாவட்டச் செயலா் செல்லசுவாமி தலைமை வகித்தாா். மாநில செயற்குழு உறுப்பினா் கனகராஜ் ஆா்ப்பாட்டத்தை தொடங்கி வைத்துப் பேசினாா்.

ஆா்ப்பாட்டத்தில், முன்னாள் எம்.பி. பெல்லாா்மின், முன்னாள் எம்எல்ஏ லீமாரோஸ், மாவட்ட செயற்குழு உறுப்பினா்கள் அண்ணாதுரை, அகமதுஉசேன், கண்ணன், மாவட்டக்குழு உறுப்பினா் மோகன், மாநகர செயலா் மனோகரஜெஸ்டஸ், உள்ளிட்ட திரளானோா் கலந்து கொண்டனா்.