கன்னியாகுமரி மாவட்டத்திலிருந்து 900 மின்னணு வாக்குப் பதிவு இயந்திரங்களை விருதுநகா் மாவட்டத்துக்கு புதன்கிழமை அனுப்பிவைக்கும் பணியை மாவட்ட உதவி தோ்தல் அலுவலரும், மாவட்ட வருவாய் அலுவலருமான அ.பூங்கோதை, அரசியல் கட்சி பிரதிநிதிகள் முன்னிலையில் ஆய்வு மேற்கொண்டாா்.

பின்னா் அவா் செய்தியாளா்களுக்கு அளித்த பேட்டி:

கன்னியாகுமரி மாவட்டத்தில் உள்ள 5,594 வாக்குப் பதிவு இயந்திரங்கள், 4,040 கட்டுப்பாட்டு கருவிகள், 2,802 விவிபேட் கருவிகள் ஆட்சியா் அலுவலக வளாகத்தில் உள்ள வைப்பறையில் பாதுகாப்பாக வைக்கப்பட்டுள்ளன.

இதில், 900 வாக்குப் பதிவு இயந்திரங்களை விருதுநகா் மாவட்டத்துக்கு அனுப்பிவைக்கும் பணி அங்கீகரிக்கப்பட்ட அரசியல் கட்சி பிரதிநிதிகள் முன்னிலையில் புதன்கிழமை ஆய்வு செய்யப்பட்டது. மீதமுள்ள வாக்குப் பதிவு இயந்திரங்கள் முதல்கட்ட சரிபாா்ப்புப் பணிகள் அங்கீகரிக்கப்பட்ட அரசியல் கட்சி பிரதிநிதிகள் முன்னிலையில் வியாழக்கிழமை (டிச. 11) நடைபெறும் என்றாா் அவா்.

ஆய்வில் தோ்தல் பிரிவு தனி வட்டாட்சியா் வினோத், ஆட்சியா் அலுவலக மேலாளா் (பொது) சுப்பிரமணியன், அங்கீகரிக்கப்பட்ட அரசியல் கட்சி பிரதிநிதிகள் ராமகிருஷ்ணன், ஆனந்த் (திமுக), விஜயகுமாா் (பாஜக), பன்னீா்செல்வம் (காங்கிரஸ்), பிரபு (நா.த.க), ரியாஸ் (வி.சி.க), அகமது உசேன் (மாா்க்சிஸ்ட்), மனோஜ் (என்.பி.பி.), அரசு அலுவலா்கள் கலந்துகொண்டனா்.