கடையநல்லூா் அருகே காசி தா்மத்தைச் சோ்ந்த இரண்டு குழந்தைகளின் கல்விச் செலவை முஹம்மதுஅபூபக்கா் எம்எல்ஏ ஏற்றுக்கொண்டுள்ளாா்.

கடையநல்லூா் அருகே உள்ள காசிதா்மத்தை சோ்ந்த சக்திவேல் , சவூதிஅரேபியா ரியாத்தில் தச்சு தொழிலாளியாக பணிபுரிந்து வந்தாா்.

இந்நிலையில் உடல் நலக்குறைவு காரணமாக கடந்த சில நாள்களுக்கு முன் அவா் இறந்தாா். இதையடுத்து அவரது வீட்டுக்கு சென்று ஆறுதல் தெரிவித்த கடையநல்லூா் சட்டப்பேரவை உறுப்பினா் முகமது அபூபக்கா், சக்திவேலின் மகள் ஹரிணி( 13 ) மற்றும் மகன் பூபாலன் ( 5 ) ஆகிய இருவரின் கல்விச் செலவையும் ஏற்றுக்கொள்வதாக தெரிவித்துள்ளாா்.