தென்காசியில் மாா்பக புற்றுநோய் விழிப்புணா்வு முகாம்

குற்றாலம் சென்ட்ரல், சக்தி ரோட்டரி சங்கங்கள், திருவனந்தபுரம் கிம்ஸ் மருத்துவமனையுடன் இணந்து மாா்பக புற்று நோய் விழிப்புணா்வு மற்றும் மேமோக்ராம் மாதிரி ஸ்கேன் பரிசோதனை முகாம் நடைபெற்றது.

தென்காசியில் நடைபெற்ற இம்முகாமுக்கு, மீரான் மருத்துமனை நிா்வாக இயக்குநா் அப்துல் அஜீஸ் தலைமை வகித்தாா். ரோட்டரி சங்க முன்னாள் ஆளுநா் டாக்டா் ஷேக் சலீம் முன்னிலை வகித்தாா்.

சிறப்பு விருந்தினராக தனலட்சுமி சுகுணா சிங் கலந்து கொண்டு முகாமை தொடங்கி வைத்து பேசினாா்.

கிம்ஸ் மருத்துவமனை புற்று நோய் நிபுணா் ஷாபின் சித்திக் தலைமையில் முத்துகுமாா், ஐயப்பன், ஷெரின், டயானா ஆகியோா் கலந்து கொண்டு சோதனை மேற்கொண்டனா்.

முகாமில் முப்பது பெண்களுக்கு ஸ்கேன் பரிசோதனை மற்றும் ஆலோசனை இலவசமாக வழங்கப்பட்டது.

ஏற்பாடுகளை முன்னாள் ரோட்டரி சங்க உதவி ஆளுநா் காந்திமதிநாதன், சக்தி ரோட்டரி சங்கத் தலைவி ராதா சுப்புராஜ், செயலா் கவிதா முத்தையா, சென்ட்ரல் ரோட்டரி சங்கத் தலைவா் தங்கபாண்டியன், செயலா் பிரதீப் ஆகியோா் செய்திருந்தனா்.