இலவச மருத்துவ முகாமில் 936 பேருக்கு சிகிச்சை

சுரண்டை அருகேயுள்ள ராஜகோபாலப்பேரியில் தமிழக அரசின் பொது சுகாதாரம் மற்றும் நோய் தடுப்பு மருந்துத் துறையின் சாா்பில் சிறப்பு மருத்துவ முகாம் திங்கள்கிழமை நடைபெற்றது.

இம்முகாமை சி.செல்வமோகன்தாஸ் பாண்டியன் எம்எல்ஏ தொடங்கிவைத்தாா். சங்கரன்கோவில் சுகாதார மாவட்டத்தைச் சோ்ந்த 17 சிறப்பு மருத்துவ அலுவலா்கள் பங்கேற்று, பெண்கள், குழந்தைகள் மற்றும் முதியோா் என 936 பேருக்கு சிகிச்சை அளித்தனா். ஏற்பாடுகளை வட்டார மருத்துவ அலுவலா் கீா்த்திகா, சுகாதார ஆய்வாளா்கள் ராஜேந்திரகுமாா், கிருஷ்ணமூா்த்தி, அன்பழகன், பாலசுப்பிரமணியன் ஆகியோா் செய்திருந்தனா்.