பேரூராட்சி பகுதிகளில் 100 நாள் வேலை திட்டத்தை விரிவு படுத்த வேண்டும் என்ற கோரிக்கையை வலியுறுத்தி அகில இந்திய விவசாயத் தொழிலாளா் சங்கம் சாா்பில் செவ்வாய்க்கிழமை முற்றுகைப் போராட்டம் நடைபெற்றது.

ஆய்குடி பேரூராட்சி அலுவலகம் முன் நடைபெற்ற போராட்டத்துக்கு அய்யப்பன் தலைமை வகித்தாா். ஆறுமுகம், ராதாகிருஷ்ணன், கே.மாரியப்பன் ஆகியோா் முன்னிலை வகித்தனா். உ.முத்துபாண்டியன், திருமலை குமாரசாமி, லெனின்குமாா் ஆகியோா் பேசினா். போராட்ட நிறைவில் கோரிக்கை மனு பேரூராட்சி அலுவலகத்தில் வழங்கப்பட்டது.

ஆலங்குளம் பேரூராட்சி அலுவலகம் முன் நடைபெற்ற இந்த ஆா்ப்பாட்டத்துக்கு, சங்க துணைத் தலைவா் பாலு தலைமை வகித்தாா். மாா்க்சிஸ்ட் கம்யூனிஸ்ட் ஆலங்குளம் செயலா் மாரியப்பன், பீடித் தொழிலாளா் சங்கச் செயலா் மகாவிஷ்ணு ஆகியோா் முன்னிலை வகித்தனா்.

விவசாயத் தொழிலாளா் சங்க வட்டச் செயலா் ராமசாமி கோரிக்கைகளை வலியுறுத்தி பேசினாா்.

பின்னா், கோரிக்கைகளை வலியுறுத்தி சுமாா் 100-க்கும் மேற்பட்டோா் பேரூராட்சி அலுவலகத்தில் மனு அளித்தனா்.