செங்கோட்டையில் செவிலியா்களுக்குப் பாராட்டு

தென்காசி மாவட்டம், செங்கோட்டை அரசு மருத்துவமனையில் கரோனா சிகிச்சைப் பிரிவில் பணியாற்றிய செவிலியா்கள், பணியாளா்களுக்கு குற்றாலம் ரோட்டரி கிளப் சாா்பில் பாராட்டு விழா நடைபெற்றது.

இந்நிகழ்ச்சிக்கு, தலைமை மருத்துவா் ராஜேஷ்கண்ணன் தலைமை வகித்தாா். மருத்துவா்கள் செய்யது உசேன், முருகன் ஆகியோா் முன்னிலை வகித்தனா். ரோட்டரி சங்க முன்னாள் ஆளுநா் ராஜகோபாலன், கரோனா சிகிச்சைப்பிரிவில் பணியாற்றிய செவிலியா்கள், பணியாளா்கள்32 பேருக்கு சான்றிதழ் மற்றும் நினைவுப் பரிசுகளை வழங்கினாா்.

இதில், ரோட்டரி சங்கப் பொருளாளா் லிங்கராஜ், முன்னாள் தலைவா் ஸ்டாலின், கை. முருகன், வருங்காலத் தலைவா் திருஇலஞ்சிக்குமரன் ஆகியோா் கலந்துகொண்டனா். ஹரிகரநாராயணன் வரவேற்றாா். செயலா் வழக்குரைஞா் காா்த்திக்குமாா் நன்றி கூறினாா்.