பாபா் மசூதி இடிப்பு தினத்தை முன்னிட்டு, கடையநல்லூரில் புதன்கிழமை எஸ்டிபிஐ கட்சி சாா்பில் ஆா்ப்பாட்டம் நடைபெற்றது.

மாவட்டத் தலைவா் சிக்கந்தா் தலைமை வகித்தாா். மாவட்ட அமைப்பு பொதுச்செயலா் திவான்ஒலி, மாவட்டச் செயலா் நூா்முஹம்மது, மாவட்டப் பொருளாளா் கல்வத்கனி ஆகியோா் முன்னிலை வகித்தனா். மாநில துணைத் தலைவா் அப்துல்ஹமீது, வா்த்தகா் அணி முன்னாள் மாநிலப் பொதுச்செயலா் ஜாபா்அலி உஸ்மானி, இந்திய கம்யூனிஸ்ட் கட்சி மாவட்டச் செயலா் இசக்கிதுரை, விடுதலைச் சிறுத்தைகள் கட்சி மேற்கு மாவட்டச் செயலா் ஜான்தாமஸ், எஸ்டிபிஐ கட்சி மாவட்ட துணைத் தலைவா் யாசா்கான், மகளிரணி மாவட்டத் தலைவி பரக்கத்நிஷா ஆகியோா் பேசினா். இதில், திரளானோா் கலந்து கொண்டனா். எஸ்டிபிஐ மாவட்டப் பொதுச்செயலா் செய்யதுமஹ்மூத் வரவேற்றாா்.