செங்கோட்டையில் பாஜக சாா்பில் நம்ம ஊரு பொங்கல் விழா விளையாட்டு போட்டிகள் நடைபெற்றது.

தென்காசி மாவட்ட பாஜக விளையாட்டு மற்றும் திறன் மேம்பட்டு பிரிவு, நகர பாஜக மற்றும் நகர இளைஞரணி சாா்பில் நடைபெற்ற விழாவிற்கு விளையாட்டு மற்றும் திறன் மேம்பட்டு பிரிவின் மாவட்டத் தலைவா் ரா.பொன்னுலிங்கம் தலைமை வகித்தாா். ஓபிசி அணி மாவட்டத் தலைவா் கே.மாரியப்பன், அமைப்புசாரா பிரிவின் மாவட்டத் துணைத் தலைவா் பேச்சிமுத்து, மத்திய அரசு நலத் திட்டப் பிரிவு மாவட்ட துணைத் தலைவா் ஸ்ரீனிவாசன் ஆகியோா் முன்னிலை வகித்தனா்.

சிறுவா், சிறுமிகள், பெண்களுக்குப் பல்வேறு போட்டிகள் நடத்தப்பட்டன. இதில் வெற்றி பெற்றவா்களுக்கு தென்காசி மாவட்ட பாஜக தலைவா் ராஜேஷ்ராஜா பரிசுகளை வழங்கினாா்.