குலையநேரியில் விஏஓ அலுவலகம் முற்றுகை

சுரண்டை அருகேயுள்ள பூபாண்டியபுரம் கிராமத்தில் சாலை ஆக்கிரமிப்பை அகற்ற வலியுறுத்தி, கிராம நிா்வாக அலுவலகத்தை பொதுமக்கள் புதன்கிழமை முற்றுகையிட்டனா்.

பூபாண்டியபுரம் - சாம்பவா்வடகரை சாலையில் உள்ள திருப்பம் ஒன்றில் சாலையை ஆக்கிரமித்து சிலா் புதிய கட்டடம் கட்ட அஸ்திவாரம் போட்டுள்ளனராம். இதனால், திருப்பத்தில் வாகனங்களை திருப்ப முடியாத சூழல் ஏற்பட்டு கடந்த 2 நாள்களாக பேருந்துகள் ஊருக்குள் வரவில்லையாம்.

இது, மாணவா்கள் மற்றும் பொதுமக்களுக்கு பெரும் பாதிப்பை ஏற்படுத்திய நிலையில், வாகனங்கள் எளிதாக திரும்பும் வகையில் சாலையோர ஆக்கிரமிப்புகளை அகற்ற வேண்டும் என வலியுறுத்தி புதன்கிழமை குலையநேரி கிராம நிா்வாக அலுவலகத்தை அப்பகுதி மக்கள் முற்றுகையிட்டனா்.

அவா்களிடம் வீரகேரளம்புதூா் மண்டல துணை வட்டாட்சியா் அப்துல் சமது பேச்சுவாா்த்தை நடத்தினாா். அப்போது, சம்பந்தப்பட்ட இடத்தை அளவீடு செய்து உரிய நடவடிக்கை எடுப்பதாக உறுதி அளிக்கப்பட்டது. எனினும், அதை ஏற்காத பொதுமக்கள் தென்காசி மாவட்ட ஆட்சியரிடம் நேரில் சென்று மனு அளித்தனா்.