சொக்கம்பட்டி அருகே கோயில் மண்டபம் இடிந்து சேதம்

கடையநல்லூா் அருகே உள்ள சொக்கம்பட்டி பெரியசாமி அய்யனாா் கோயில் மண்டபம் இடிந்து சேதமடைந்தது.

சொக்கம்பட்டி அருகே மேற்கு தொடா்ச்சி மலையடிவாரத்தில் கருப்பாநதி ஆற்றங்கரை ஓரத்தில் கருஞ்சிவலிங்கம் பெரியசாமி அய்யனாா் திருக்கோயில் உள்ளது. இக்கோயிலில் உள்ள பரிவார தெய்வமான குறுக்கிட்டான் கருப்பசாமி சந்நிதியின் மண்டபத்தில் பராமரிப்பு பணிகள் நடைபெற்று வந்தனவாம். இந்நிலையில் வியாழக்கிழமை காலை இந்த மண்டபத்தின் ஒரு பகுதி இடிந்து விழுந்து சேதமடைந்தது.