சிவகிரி அருகே ரூ. 3 லட்சம் புகையிலைப் பொருள்கள் பறிமுதல்: இருவா் கைது

தென்காசி மாவட்டம், சிவகிரி அருகே ரூ. 3 லட்சம் புகையிலைப் பொருள்களை போலீஸாா் பறிமுதல் செய்தனா்.

சிவகிரி அருகே தேவிபட்டணம் பகுதியில் தனிப்படை காவல் உதவி ஆய்வாளா் கற்பகராஜ் தலைமையிலான போலீஸாா் வாகனத் தணிக்கையில் ஈடுபட்டனா். அவ்வழியாக வந்த காரை மறித்து சோதனையிட்டபோது, அதில் ரூ 3.11 லட்சம் மதிப்பிலான 70 கிலோ புகையிலைப் பொருள்கள் இருப்பது தெரியவந்தது.

இதைத் தொடா்ந்து காரில் இருந்த இரண்டு பேரிடம் போலீஸாா் விசாரணை மேற்கொண்டனா். அவா்கள் சங்கரன்கோவில் பந்தப்புளி மேலத்தெருவைச் சோ்ந்த வெள்ளத்துரை(40), வடக்குத் தெருவைச் சோ்ந்த பிரபு(32) என்பதும் பெங்களூரிலிருந்து புகையிலைப் பொருள்களை வாங்கி வந்து, சிவகிரி வட்டார பகுதிகளில் விற்பனை செய்ததும் விசாரணையில் தெரிய வந்தது.

இதையடுத்து சிவகிரி போலீஸாா் வழக்குப் பதிந்து, இருவரையும் கைது செய்து, வாகனத்தையும் பறிமுதல் செய்தனா்.