நெல்லையில் மே 24இல் எரிவாயு நுகர்வோர் குறைதீர் கூட்டம்

திருநெல்வேலியில் எரிவாயு நுகர்வோர் குறைதீர் கூட்டம் வரும் 24 ஆம் தேதி நடைபெற உள்ளது.
இதுகுறித்து மாவட்ட ஆட்சியர் சந்தீப் நந்தூரி வெளியிட்டுள்ள செய்திக் குறிப்பு:
திருநெல்வேலி மாவட்டத்தில் எரிவாயு நுகர்வோருக்கு ஏற்படும் காலதாமதம், முறைகேடுகள் உள்ளிட்ட குறைகளைத் தீர்க்கும் வகையில், எரிவாயு நுகர்வோர் குறைதீர் கூட்டம் மே 24 ஆம் தேதி மாலை 4 மணிக்கு மாவட்ட ஆட்சியர் அலுவலக வளாகத்தில் மாவட்ட வருவாய் அலுவலர் தலைமையில் நடைபெற உள்ளது.
அனைத்து எண்ணெய் நிறுவன எரிவாயு முகவர்கள், மாவட்ட எரிவாயு ஒருங்கிணைப்பாளர், எரிவாயு நுகர்வோர் உள்ளிட்டோர் பங்கேற்க உள்ளனர். இதில் எரிவாயு நுகர்வோர் தங்கள் குறைகளைத் தெரிவிக்கலாம்.