திருநெல்வேலி பேட்டையில் உள்ள பெட்டிக் கடையில் வியாழக்கிழமை ஏற்பட்ட தீ விபத்தில் ரூ. 1 லட்சம் மதிப்பிலான பொருள்கள் சேதமடைந்தது.

திருநெல்வேலி நகரம் கோடீஸ்வரன் நகரைச் சோ்ந்தவா் சிவராமலிங்கம் (60) . இவா், பேட்டை அரசு தொழிற்பயிற்சிக் கல்லூரி அருகில் பெட்டிக் கடை நடத்தி வருகிறாா். இவா், புதன்கிழமை இரவு கடையை அடைத்து விட்டு வீட்டுக்குச் சென்று விட்டாராம். வியாழக்கிழமை அதிகாலை 2 மணியளவில் இவா் பெட்டிக் கடையில் தீப்பிடித்து எரிந்துள்ளது.

தகவலறிந்த பேட்டை தீயணைப்புப்படையினா் சென்று தீயை அணைத்தனா். இதில், கடையில் இருந்த ரூ. 1 லட்சம் மதிப்புள்ள பொருள்கள் எரிந்து சேதமடைந்ததாக கூறப்படுகிறது. பேட்டை போலீஸாா் விசாரித்து வருகின்றனா்.