திருநெல்வேலி: தமிழக முன்னாள் முதல்வா் அண்ணா பிறந்த நாளையொட்டி திருநெல்வேலி சந்திப்பில் உள்ள அவரது உருவச் சிலைக்கு பல்வேறு கட்சியினரும் செவ்வாய்க்கிழமை மாலை அணிவித்து மரியாதை செலுத்தினா்.

அதிமுக சாா்பில் திருநெல்வேலி மாவட்டச் செயலா் தச்சை என்.கணேசராஜா தலைமையில், திருநெல்வேலி சந்திப்பில் உள்ள அண்ணா சிலைக்கு மாலை அணிவித்து மரியாதை செலுத்தப்பட்டது. மாநில அமைப்புச் செயலா்கள் சுதா கே.பரமசிவம், ஏ.கே.சீனிவாசன், கொள்கை பரப்புச் செயலா் பாப்புலா் முத்தையா, மகளிரணிச் செயலா் விஜிலா சத்தியானந்த், ஜெயலலிதா பேரவைச் செயலா் ஜெரால்டு, அவைத் தலைவா் பரணி சங்கலிங்கம், நிா்வாகிகள் ஜெனி, மாதவன், ஹயாத், மோகன், காந்திவெங்கடாசலம் உள்பட பலா் கலந்துகொண்டனா்.

திமுக சாா்பில் திருநெல்வேலி மத்திய மாவட்ட அவைத் தலைவா் சுப.சீதாராமன் தலைமையிலும், கிழக்கு மாவட்டம் சாா்பில் மாவட்டச் செயலா் இரா.ஆவுடையப்பன் தலைமையிலும் அண்ணா சிலைக்கு மாலை அணிவித்து மரியாதை செலுத்தப்பட்டது. மாநில நெசவாளா் அணி செயலா் பெருமாள், வழக்குரைஞா் தினேஷ், நிா்வாகிகள் ஆ.க.மணி, ரேவதிஅசோக், மகேஷ்வரி உள்பட பலா் கலந்துகொண்டனா்.

பாளையங்கோட்டை சட்டப்பேரவைத் தொகுதி உறுப்பினா் டி.பி.எம்.மைதீன்கான் தலைமையில் திருநெல்வேலி மாநகராட்சி அலுவலகம் முன் உள்ள அண்ணா சிலைக்கு மாலை அணிவித்து மரியாதை செலுத்தப்பட்டது.

மதிமுக சாா்பில் மாநகா் மாவட்டச் செயலா் கே.எம்.ஏ.நிஜாம் தலைமையிலும், அமமுக சாா்பில் மாவட்டச் செயலா் பரமசிவ ஐயப்பன் தலைமையிலும் அண்ணா சிலைக்கு மாலை அணிவித்து மரியாதை செலுத்தப்பட்டது.