நோ்மையாக செயல்பட்ட பெண்ணுக்கு வெகுமதி வழங்கி பாராட்டு

குப்பையில் கிடந்த பணம், செல்லிடபேசியை காவல் நிலையத்தில் ஒப்படைத்தை பெண்ணுக்கு ரூ.10ஆயிரம் வழங்கி பாராட்டு தெரிவிக்கப்பட்டது.

திருநெல்வேலி மாவட்டம் முக்கூடல் பகுதியைச் சோ்ந்த கணபதி மகள் மாரியம்மாள் (19) . இவா் கீழேகிடக்கும் பழைய பேப்பா், இரும்பு ஆகியவற்றை சேகரித்து விற்பனை செய்து வருகிறாா். புதன்கிழமை (ஏப்.21) மாரியம்மாள் வழக்கமாக பழைய பேப்பா்களை சேகரிக்கும்போது, கீழேகிடந்த ரூ.58 ஆயிரம், செல்லிடபேசி, ஆதாா் அட்டை ஆகிவற்றை கண்டெடுத்தாா்.

அவற்றை அவா் உடனடியாக முக்கூடல் காவல் நிலையத்தில் ஒப்படைத்தாா். போலீஸாா் விசாரணை செய்து பணம், செல்லிடபேசி, ஆதாா் அட்டை ஆகியவற்றை உரியவரிடம் ஒப்படைத்தனா்.

இதையறிந்த கொடைக்கானல் விவேகானந்தா மெட்ரிக் பள்ளித் தாளாளா் சுவாமி கங்காதரானந்தா, வெள்ளிக்கிழமை மாவட்ட காவல் கண்காணிப்பாளா் அலுவலகத்திற்கு வந்தாா். மாவட்ட காவல் கண்காணிப்பாளா் நெ.மணிவண்ணன் முன்னிலையில், நோ்மையாக செயல்பட்ட மாரியம்மாளுக்கு, ரூ.10 ஆயிரம் வழங்கிப் பாராட்டு தெரிவித்தாா்.