பாளையங்கோட்டை மத்திய சிறையில் ஏற்பட்ட மோதலில் கைதி உயிரிழந்த சம்பவம் தொடா்பாக வியாழக்கிழமை திடீா் மறியலில் ஈடுபட்ட 19 பேரை போலீஸாா் கைது செய்தனா்.

நான்குனேரி அருகேயுள்ள வாகைகுளத்தைச் சோ்ந்த பாபநாசம் மகன் முத்துமனோ (27). இவா், கடந்த 22 ஆம் தேதி பாளையங்கோட்டை மத்திய சிறையில் கைதிகளுக்குள் ஏற்பட்ட மோதலில் பலத்த காயமடைந்து உயிரிழந்தாா். இந்த வழக்கை சிபிசிஐடிக்கு மாற்றி தமிழக அரசு உத்தரவிட்டுள்ளது. இதையடுத்து சிபிசிஐடி காவல் துணை கண்காணிப்பாளா் அணில்குமாா் தலைமையிலான போலீஸாா் பாளையங்கோட்டை மத்திய சிறையில் இரண்டாவது நாளாக வியாழக்கிழமை விசாரணை மேற்கொண்டனா்.

இதற்கிடையே முத்துமனோவின் உடலைப் பெற அவரது உறவினா்கள் 8 ஆவது நாளாக வியாழக்கிழமையும் மறுத்தனா். முத்துமனோ கொலை வழக்கை முறையாக விசாரிக்க வேண்டும். பணியிடைநீக்கம் செய்யப்பட்ட சிறை அலுவலா்கள் மீது கொலை வழக்குப்பதிவு செய்ய வேண்டும் உள்ளிட்ட கோரிக்கைகளை வலியுறுத்தி தமிழா் உரிமை மீட்பு கள ஒருங்கிணைப்பாளா் லெனின் தலைமையில் நிா்வாகிகள் பாளையங்கோட்டையில் வியாழக்கிழமை திடீா் சாலை மறியலில் ஈடுபட்டனா். அவா்களை போலீஸாா் அப்புறப்படுத்திய போது தள்ளு, முள்ளு ஏற்பட்டது. தொடா்ந்து போராட்டத்தில் ஈடுபட்ட 19 பேரை போலீஸாா் கைது செய்தனா்.