மின் ஊழியரிடம் செல்லிடபேசி திருட்டு:மேலும் ஒருவா் கைது

முன்னீா்பள்ளம் அருகே மின்வாரிய ஒப்பந்த ஊழியரிடம் செல்லிடபேசி திருடிய வழக்கில் மேலும் ஒருவரை போலீஸாா் வெள்ளிக்கிழமை கைது செய்தனா்.

முன்னீா்பள்ளம் அருகேயுள்ள வடக்கு செங்குளம் பகுதியைச் சோ்ந்தவா் பாக்கியராஜ். மின்வாரிய ஒப்பந்த ஊழியா். இவா் கடந்த ஏப். 7ஆம் தேதி பணி முடிந்து வீட்டுக்கு சென்றுகொண்டிருந்தாா். அப்போது, பேரின்பபுரம் அருகே அவரை

மோட்டாா் சைக்கிளில் வந்த மூவா் வழி மறித்து அவரிடமிருந்த செல்லிடப்பேசியை பறித்துச் சென்றனா்.

புகாரின்பேரில், முன்னீா்பள்ளம் போலீஸாா் வழக்குப் பதிந்து விசாரித்தனா். இதில், ஐயப்பன், வானுமாமலை ஆகிய இருவா் கைது செய்யப்பட்டனா். இவ்வழக்கில் தேடப்பட்டு வந்த திருநெல்வேலி சி.என்.கிராமத்தைச் சோ்ந்த சுப்பிரமணி என்ற சாக்கையாவை (30) போலீஸாா் வெள்ளிக்கிழமை கைது செய்தனா்.