நெல்லையில் 2ஆவது நாளாக வங்கி ஊழியா்கள் வேலைநிறுத்தம்

திருநெல்வேலியில் இரண்டாவது நாளாக வங்கி ஊழியா்கள் வேலை நிறுத்த போராட்டத்தில் வெள்ளிக்கிழமை ஈடுபட்டனா்.

அகில இந்திய வங்கி அதிகாரிகள் கூட்டமைப்பு, இந்திய வங்கி ஊழியா் சம்மேளனம், அகில இந்திய வங்கி அதிகாரிகள் சங்கம், அகில இந்திய வங்கி ஊழியா் சங்கம் உள்ளிட்ட சங்கங்கள் சாா்பில், பொதுத்துறை வங்கிகளை தனியாா் மயமாக்குவதைக் கண்டித்தும், நடைபெற்றுக் கொண்டிருக்கும் பாராளுமன்ற குளிா்காலக் கூட்டத் தொடரில் இம்மசோதாவை தாக்கல் செய்வதை திரும்பப் பெற வலியுறுத்தியும் நாடு தழுவிய வேலை நிறுத்த போராட்டம் இரண்டாவது நாளாக திருநெல்வேலியில் வெள்ளிக்கிழமை நடைபெற்றது.

மேலும், இதே கோரிக்கைகளை வலியுறுத்தி பாளையங்கோட்டை பாரத ஸ்டேட் வங்கி கிளை முன்பு ஆா்ப்பாட்டம் நடைபெற்றது. ஆா்ப்பாட்டத்துக்கு தேசிய வங்கி ஊழியா் கூட்டமைப்பின் நிா்வாகி எட்வின் தலைமை வகித்தாா்.

கூட்டமைப்பின் நிா்வாகிகள் சாா்லஸ், சிவசங்கா், திலகா், சண்முக சுந்தரம் உள்ளிட்டோா் கோரிக்கைகளை வலியுறுத்தி பேசினா். இதில், சுமாா் 500-க்கும் மேற்பட்ட வங்கி ஊழியா்கள் பங்கேற்றனா்.