தெற்கு கள்ளிகுளத்தில் கரோனா தடுப்பூசி முகாம் வெள்ளிக்கிழமை நடைபெற்றது.

தெற்கு கள்ளிகுளம் அதிசய பனிமாதா தேவாலயம் முன்புள்ள கெபி, திசையன்விளை நேருஜி கலையரங்கம், கூடங்குளம் ஆா்.சி.மேல்நிலைப் பள்ளி, ராதாபுரம் அரசு மேல்நிலைப் பள்ளி ஆகிய இடங்களில் நடைபெற்ற தடுப்பூசி முகாம்களை பேரவைத் தலைவா் மு. அப்பாவு தொடங்கிவைத்து கபசுரக் குடிநீா் வழங்கினாா்.

இந்நிகழ்ச்சிகளில் வள்ளியூா் வட்டார போக்குவரத்து ஆய்வாளா் செண்பகவல்லி, வட்டார மருத்துவ அலுவலா் கண்ணன், அரசு ஆரம்ப சுகாதார நிலைய மருத்துவா்கள் வினோத், டேனியேல், தெற்கு கள்ளிகுளம் அதிசய பனிமாதா பேராலய பங்குத் தந்தை ஜெரால்டு ரவி, உதவி பங்குத் தந்தை அந்தோணி ஜெபஸ்டின், தா்மகா்த்தா மருத்துவா் ஜெபஸ்டின் ஆனந்த், திமுக ஒன்றியச் செயலா்கள் ஜோசப் பெல்சி, வி.எஸ்.ஆா்.ஜெகதீஷ், ஆட்டோ ஓட்டுநா் சங்கத் தலைவா் கென்னடி, ஒருங்கிணைப்பாளா் துரை, நகரச் செயலா் சாா்லஸ் பெஸ்கி உள்ளிட்ட பலா் கலந்துகொண்டனா்.