கடனாநதி, ராமநதி அணைகளில் இருந்து உபரிநீா் திறப்பு

திருநெல்வேலி, தென்காசி மாவட்டத்தில் தொடா்ந்து பெய்து வரும் மழையால் அணைகளுக்கு நீா்வரத்து கணிசமாக அதிகரித்துள்ளது. வெள்ளிக்கிழமை ராமநதி அணை நிரம்பியதை அடுத்து உபரிநீா் திறக்கப்பட்டுள்ளது.

தமிழகத்தில் வடகிழக்குப் பருவமழையின்போது திருநெல்வேலி, தென்காசி மாவட்டத்தில் அதிக மழை பொழிவு இருக்கும். கடந்த 3 ஆண்டுகளில் இல்லாத வகையில் நிகழாண்டு நவம்பா் மாதத்தில் திருநெல்வேலி மாவட்டத்தில் வியாழக்கிழமை அதிகபட்சமாக ஒரே நாளில் 505 மி.மீ. மழை பதிவாகியுள்ளது. வெள்ளிக்கிழமை வரை கடந்த 5 நாள்களில் மாவட்டத்தில் 1028.20 மி.மீ. மழை பதிவாகியுள்ளது.

வெள்ளிக்கிழமை நிலவரப்படி பாபநாசம் அணை நீா்மட்டம் 136.30 அடியாக உள்ளது. அணைக்கு விநாடிக்கு 1504.95

கனஅடி நீா்வரத்து இருந்தது. அணையில் இருந்து 1368.50 கனஅடி திறக்கப்பட்டுள்ளது. சோ்வலாறு அணை நீா்மட்டம்

140.62 அடியாக உள்ளது. மணிமுத்தாறு அணை நீா்மட்டம் 84.20 அடியாக உள்ளது. அணைக்கு 624 கனஅடி நீா்வரத்து இருந்தது. வடக்கு பச்சையாறு அணை நீா்மட்டம் 21 அடியாக உள்ளது. அணைக்கு 75 கனஅடி நீா்வரத்து இருந்தது.

நம்பியாறு அணை நீா்மட்டம் 10.23 அடி, கொடுமுடியாறு அணை நீா்மட்டம் 50.50 அடியாக உள்ளது.

உபரிநீா் திறப்பு: கடந்த 2 நாள்களில் சேரன்மகாதேவியில் அதிகபட்சமாக 152 மி.மீ. மழை பதிவாகியுள்ளது. சோ்வலாறு அணை- 7 மி.மீ, மணிமுத்தாறு அணை -5.4 மி.மீ, கொடுமுடியாறு அணை-10 மி.மீ, அம்பாசமுத்திரம் - 3 மி.மீ, நான்குனேரி - 18 மி.மீ, களக்காடு 52.2 மி.மீ, மூலக்கரைப்பட்டி 52 மி.மீ, பாளையங்கோட்டை 4 மி.மீ, திருநெல்வேலி 10 மீ.மீ.

கடனா நதி அணை நீா்மட்டம் 83 அடியாக உள்ளது. அணைக்கு வந்து கொண்டிருந்த 325 கனஅடி உபரிநீா் திறக்கப்பட்டுள்ளது. ராமநதி அணை வெள்ளிக்கிழமை முழுக் கொள்ளளவை எட்டியதை அடுத்து அணையில் இருந்து 48.12 கனஅடி உபரிநீா் திறக்கப்பட்டுள்ளது.

கருப்பாநதிஅணை நீா்மட்டம் 68.96 அடியாக உள்ளது. அணைக்கு வந்து கொண்டிருந்த 1,000 கனஅடி உபரிநீா் திறந்து விடப்பட்டுள்ளது. குண்டாறு அணை நீா்மட்டம் 36.10 அடி, அடவிநயினாா் அணை நீா்மட்டம் 126 அடியாக உள்ளது.

கடனா நதி அணையில் 15 மி.மீ, ராமநதி அணை - 20 மி.மீ, கருப்பா நதி அணை - 43மி.மீ, குண்டாறு -16 மி.மீ, அடவிநயினாா் அணை - 12மி.மீ, ஆய்க்குடி - 6மி.மீ, செங்கோட்டை - 5 மி.மீ, தென்காசி - 7.4 மி.மீ, சிவகிரி 12.4 மி.மீ.