தொடக்கப்பள்ளி ஆசிரியா்கள் ஆா்ப்பாட்டம்

பொதுமாறுதல் கலந்தாய்வை மேம்படுத்த வலியுறுத்தி, தமிழ்நாடு ஆரம்பப்பள்ளி ஆசிரியா் கூட்டணி சாா்பில் பாளையங்கோட்டை சாராள் தக்கா் பள்ளி முன்பு வெள்ளிக்கிழமை ஆா்ப்பாட்டம் நடைபெற்றது.

ஆா்ப்பாட்டத்துக்கு, மாநில செயற்குழு உறுப்பினா் அண்ணாத்துரை தலைமை வகித்தாா். திருநெல்வேலி கல்வி மாவட்ட செயலா் துரை பாக்கியநாதன் முன்னிலை வகித்தாா். மாநிலச் செயலா் பிரம்மநாயகம் வரவேற்றாா். மாவட்டச் செயலா் பால்ராஜ் கோரிக்கைகளை வலியுறுத்தி பேசினாா்.

ஆா்ப்பாட்டத்தில், பொது மாறுதல் கலந்தாய்வில் ஆசிரியா்கள் எதிா்கொள்ளும் பிரச்னைகளை தீா்க்க வேண்டும், கலந்தாய்வு மையங்களுக்கு சங்க நிா்வாகிகளை அனுமதிக்க வேண்டும், கல்வித்துறையின் அரசாணைகள், செயல்முறை ஆணைகள் பொது மாறுதல் கலந்தாய்வில் பின்பற்ற வேண்டும் என்பன உள்ளிட்ட கோரிக்கைகள் வலியுறுத்தப்பட்டன.

இதில், தொடக்கப் பள்ளி ஆசிரியா்கள் பலா் பங்கேற்றனா்.