நெல்லை அரசு அருங்காட்சியகம் சாா்பில் மாணவா்களுக்கு குடியரசு தின விழா போட்டிகள்

திருநெல்வேலி அரசு அருங்காட்சியகம் சாா்பில் குடியரசு தினத்தை முன்னிட்டு மாணவா்களுக்கு பல்வேறு போட்டிகள் நடத்தப்படுகின்றன.

இது தொடா்பாக அரசு அருங்காட்சியக காப்பாட்சியா் சிவ.சத்தியவள்ளி வெளியிட்டுள்ள செய்திக்குறிப்பு: திருநெல்வேலி அரசு அருங்காட்சியகத்தில் 75 ஆவது சுதந்திர தின கொண்டாட்டத்தையொட்டி ஏராளமான நிகழ்ச்சிகள் நடைபெற்று வருகின்றன. அதன் ஒரு பகுதியாக, பள்ளி மாணவா், மாணவிகளுக்கு பல்வேறு போட்டிகள் நடத்த திட்டமிடப்பட்டுள்ளன. அதன் விவரம்: 1,2,3-ஆம் வகுப்பு மாணவா்களுக்கு ஓவியப் போட்டி நடைபெறுகிறது. தேசியக் கொடியை ஏ4 அளவு சாா்ட்டில் வரைய வேண்டும்.

4,5,6-ஆம் வகுப்பு மாணவா்களுக்கு போஸ்டா் தயாரித்தல் போட்டி நடைபெறுகிறது. தேசிய சின்னத்தை ஏ3 அளவு சாா்ட்டில் தயாா் செய்ய வேண்டும். 7,8,9-ஆம் வகுப்பு மாணவா்களுக்கு அழகிய கையெழுத்துப் போட்டி நடைபெறுகிறது. தேசிய கீதத்தை ஏ4 அளவு பேப்பரில் எழுத வேண்டும்.

மாணவா்கள் தங்களின் படைப்புக்களை திருநெல்வேலி அரசு அருங்காட்சியகத்தில் ஜன.24-ஆம் தேதி மாலை 5 மணிக்கு முன் நேரிலோ அல்லது அஞ்சலிலோ அனுப்ப வேண்டும். ஒவ்வொரு பிரிவிலும் சிறந்த படைப்புகளை அனுப்பிய மூன்று மாணவா்களுக்கு பரிசுகளும், கலந்து கொண்ட அனைவருக்கும் சான்றிதழ்களும் 26 ஆம் தேதி காலை 8 மணிக்கு அருங்காட்சியத்தில் நடைபெறும் குடியரசு தின விழாவில் வழங்கப்படும்.

மாணவா்கள் தங்களின் படைப்புக்களை அனுப்பவேண்டிய முகவரி: மாவட்டக் காப்பாட்சியா், அரசு அருங்காட்சியகம், பாளையங்கோட்டை, திருநெல்வேலி- 627002 .மேலும், விவரங்களுக்கு 9444973246 என்கிற வாட்ஸ்அப் எண்ணில் தொடா்பு கொள்ளலாம்.