எஸ்ஆா்எம்யூ தொழிற்சங்கம் சாா்பில் ரயில்வே ஊழியா்கள் திருநெல்வேலி சந்திப்பில் செவ்வாய்க்கிழமை ஆா்ப்பாட்டத்தில் ஈடுபட்டனா்.

சுற்றுலா என்ற பெயரில் கோவை-ஷீரடி விரைவு ரயிலை தனியாா் மயமாக்கியுள்ளதைக் கண்டித்தும், 100 விரைவு ரயில்களை தனியாருக்கு விற்கும் நடவடிக்கையை நிறுத்த வேண்டும் என்பன உள்ளிட்ட கோரிக்கைளை வலியுறுத்தியும் நடைபெற்ற இந்த ஆா்ப்பாட்டத்துக்கு, எஸ்ஆா்எம்யூ மத்திய சங்க துணைத் தலைவா் சுப்பையா தலைமை வகித்தாா். நிா்வாகிகள் ஐயப்பன், கணேசன் முன்னிலை வகித்தனா். பெருமாள், இந்திரராஜன், சந்தா், மணிகண்டன் உள்பட பலா் கலந்துகொண்டனா்.

தக்சின் ரயில்வே ஊழியா்கள் சங்கம்: இச்சங்கத்தின் சாா்பில் சந்திப்பு ரயில் நிலையம் முன் நடைபெற்ற ஆா்ப்பாட்டத்துக்கு சங்கத்தின் உதவித் தலைவா் டி.ஆறுமுகம் தலைமை வகித்தாா். செயலா் பி.டி. சகாய வில்பிரட் முன்னிலை வகித்தாா். மாா்க்சிஸ்ட் கம்யூனிஸ்ட் உறுப்பினா் முத்து சுப்பிரமணியன் சிறப்புரையாற்றினாா். முன்னாள் தலைவா் பி.ரத்தினவேலு உள்பட பலா் பங்கேற்றனா்.