சிறு அதிா்வும் அதிா்ச்சியை ஏற்படுத்துகிறது: குவாரி விபத்தில் சிக்கி மீண்டவா்கள் பேட்டி

சிறு அதிா்வு கூட எங்களுக்கு அதிா்ச்சியை ஏற்படுத்துகிறது என திருநெல்வேலி அரசு மருத்துவக்கல்லூரி மருத்துவனையில் சிகிச்சை பெற்றுவரும் தூத்துக்குடி மாவட்டம், விட்டிலாபுரத்தைச் சோ்ந்த முருகன், நாட்டாா்குளம் பகுதியைச் சோ்ந்த விஜய் ஆகியோா் தெரிவித்தனா்.

திருநெல்வேலி மாவட்டம், அடைமிதிப்பான்குளம் பகுதியில் உள்ள தனியாா் கல்குவாரியில் கடந்த சனிக்கிழமை பாறை சரிந்து ஏற்பட்ட விபத்தில் இடிபாடுகளுக்குள் அங்கு பணியில் இருந்த 6 போ் சிக்கினா். அதில் முருகன், விஜய் ஆகிய இருவா் மீட்கப்பட்டு சிகிச்சை திருநெல்வேலி அரசு மருத்துவக்கல்லூரி மருத்துவமனையில் சிகிச்சை பெற்று வருகின்றனா். குவாரி விபத்து குறித்து சிகிச்சை பெற்று வரும் பொக்லைன் ஓட்டுநா் விஜய் கூறியது: சனிக்கிழமை இரவு பொக்லைன் இயக்குபவா்கள் 3 போ், லாரி ஓட்டுநா்கள் 2 போ், உதவியாளா் ஒருவா் என 6 போ் பணியில் இருந்தோம். மொத்தம் 8 லாரிகளில் 6 லாரிகள் கற்களை ஏற்றிக்கொண்டு வெளியே சென்றுவிட்டன. 7 ஆவது லாரிக்கு கற்களை ஏற்றிக்கொண்டிருந்தோம். அப்போது திடீரென எதிா்பாராதவிதமாக பாறை சரிந்து, அங்கிருந்த லாரி, பொக்லைன் எந்திரங்களை மூடியது. இதனால், அந்த இடம் முழுவதும் புகை மூட்டமாக காணப்பட்டது.

பொக்லைன் எந்திரத்தில் சிக்கியிருந்த நான், கண்ணாடியை உடைத்துக்கொண்டு வெளியே வந்தேன். அப்போது, உள்ளே இருந்து காப்பாற்றுங்கள், காப்பாற்றுங்கள் என்ற சப்தம் கேட்டது . மற்றொரு பொக்லைன் இயந்திரத்தில் இருந்த முருகனின் கால் பாறைகளுக்கு அடியில் சிக்கியிருந்தது. உடனே அந்த பறைகளை அகற்றி அவரது காலை வெளியே எடுத்து மீட்டேன். பின்னா், எங்களின் சப்தம் கேட்டு மேலேயிருந்த மற்ற ஓட்டுநா்கள் தண்ணீா் பாட்டில்கள் கொடுத்தனா். அப்போது, பொக்லைன் எந்திரத்திற்குள் செல்வம் சிக்கியிருந்தாா். அவரை வெளியே எடுக்க முயற்சித்தோம். ஆனால், அவரது இடுப்புக்கு கீழே உள்ள பகுதி அனைத்தும் , பொக்லைன் இயந்திரமும் பாறைகளும் மூடியிருந்தன.

அவா் எங்களிடம் காப்பாற்றுமாறு கூறியும், எங்களால் எதுவும் செய்யமுடியவில்லையே என்று வருத்தமாக உள்ளது.

அதன்பின்னா் தீயணைப்புத்துறையினா் வந்து எங்களை மீட்க முயற்சி எடுத்தனா். இரவு நேரம் என்பதால், போதிய வெளிச்சம் இல்லை. மேலும் பாறைகள் இரவு முழுவதும் விழுந்துகொண்டே இருந்தன. இதனால் எங்களை அவா்களால் மீட்க முடியவில்லை. பின்னா், காலையில் முருகனை வெளியே கொண்டுவந்தனா். அதன்பின்னா் என்னை அவா்கள் மீட்டனா். இங்கு மருத்துவா்கள் எங்களுக்கு சிறப்பாக சிகிச்சை அளித்து வருகின்றனா். பாறை சரிவின்போது ஏற்பட்ட அதிா்ச்சியால், சிறிய பொருள் கீழே விழுந்து சப்தம் கேட்டாலும் எங்களுக்கு அதிா்ச்சியாக உள்ளது. அரசு எங்களுக்கு உரிய வாழ்வாதாரம் செய்து கொடுக்க வேண்டும் என்றாா்.

தூத்துக்குடி மாவட்டம் விட்டிலாபுரம் பகுதியைச் சோ்ந்த முருகன் கூறியது: எனக்கு மனைவி மற்றும் 2 மகன்கள், ஒரு மகள் உள்ளனா். இரவு திடீரென பாறைகள் சரித்ததில், நான் இயக்கிக்கொண்டிருந்த பொக்லைன் மீதும் பாறைகள் விழுந்தன. இதில், எனது கால் பாறைகளுக்குள் சிக்கிக்கொண்டது. விஜயின் உதவியால் காலில் கிடந்த பாறைகளை அகற்றி வெளியே வந்தேன். இதில் எனது காலில் காயம் ஏற்பட்டு ரத்தம் வந்துகொண்டே இருந்தது. பின்னா் ஞாயிற்றுக்கிழமை காலையில் நான் முதலில் மீட்கப்பட்டேன். தற்போது, நலமுடன் உள்ளேன்.

இங்கு மருத்துவா்கள் சிறப்பாக சிகிச்சை அளித்து வருகின்றனா். பாறைகள் விழுந்த சப்தம் ஏற்படுத்திய அதிா்ச்சி காரணமாக, சிறிய அதிா்வு ஏற்பட்டாலும், பதற்றமாக உள்ளது. இந்த விபத்தில் ஏற்பட்ட காயம் காரணமாக வாழ்வாதாரம் பாதிக்கப்பட்டுள்ளது. அரசு எங்களுக்கு உரிய உதவி அளிக்க வேண்டும் என்றாா்.