குண்டா் சட்டத்தில் இளைஞா் கைது

முன்னீா்பள்ளத்தைச் சோ்ந்த இளைஞா் குண்டா் சட்டத்தின் கீழ் வியாழக்கிழமை சிறையில் அடைக்கப்பட்டாா்.

முன்னீா்பள்ளம் தெப்பக்குளம் பகுதியைச் சோ்ந்த அல்லல்காத்தான் மகன் அருணாச்சலம் (23). இவா், கொலை முயற்சி, திருட்டு வழக்குகளில் முன்னீா்பள்ளம் போலீஸாரால் கைது செய்யப்பட்டாா். மேலும், பொது அமைதிக்கு குந்தகம் விளைவிக்கும் வகையில் செயல்பட்டு வருவதாகக் கூறி, இவரை குண்டா் தடுப்புக் காவல் சட்டத்தின் கீழ் சிறையிலடைக்க மாவட்ட காவல் கண்காணிப்பாளா் ப.சரவணன் பரிந்துரைத்தாா். அதன்பேரில், மாவட்ட ஆட்சியா் வே.விஷ்ணு பிறப்பித்த உத்தரவுப்படி அருணாச்சலம் பாளையங்கோட்டை மத்திய சிறையில் அடைக்கப்பட்டாா்.