நெல்லையில் 10 மணி நேரத்துக்கும் மேலாக தொடர் மழை: இயல்பு வாழ்க்கை பாதிப்பு

திருநெல்வேலியில் 10 மணி நேரங்களுக்கு மேலாக மழை பெய்து வருவதால் சாலையில் மழை நீர் பெருக்கெடுத்து ஓடுகிறது.

திருநெல்வேலியில் சனிக்கிழமை காலையில் இருந்து மேகமாக இருந்தது.  இந்த நிலையில் ஞாயிற்றுக்கிழமை அதிகாலை 2 மணியளவில் பெய்யத் தொடங்கிய மழை, பகல் 1 மணி வரை தொடர்ந்து பெய்து வருகிறது

திருநெல்வேலி சந்திப்பு, நகரம், பாளையங்கோட்டை, கேடிசி நகர், பெருமாள்புரம், புதிய பேருந்து நிலையம் , மேலப்பாளையம் பகுதியில் கனமழை கொட்டித் தீர்ந்தது.

குறிப்பாக வண்ணார்பேட்டை இஸ்கான் கோயில், வஉசி மைதானம், சந்திப்பு சாலைகளில் தண்ணீர் பெருக்கெடுத்து ஓடியது. பாளையங்கோட்டை , திருச்செந்தூர் சாலை ஆகியவற்றில் குண்டும் - குழியுமான சாலைகளில் தண்ணீர் தேங்கியதால் வாகன ஓட்டிகள் மிகுந்த சிரமத்திற்கு ஆளாகினர்.

மேலும் மழை தொடர்ந்து பெய்து வருவதால் மாவட்ட நிர்வாகம் மற்றும் மாநகராட்சி நிர்வாகம் முன்னெச்சரிக்கை நடவடிக்கை எடுத்து வருகிறது.