இது தொடா்பாக அவா் வெளியிட்டுள்ள செய்திக்குறிப்பு: திருநெல்வேலி மாவட்ட கூட்டுறவு பால் உற்பத்தியாளா்கள் ஒன்றியம் துணைப்பதிவாளா் (பால்வளம்) கட்டுப்பாட்டில் தென்காசி, திருநெல்வேலி மாவட்டங்களை எல்லையாக கொண்டு செயல்பட்டு வருகிறது.

திருநெல்வேலி மாவட்டத்தில் 216 பால் உற்பத்தியாளா்கள் கூட்டுறவு சங்கங்கள் செயல்பட்டு வருகின்றன. இதில், 176 சங்கங்களில் சேகரிக்கப்படும் மொத்த பால் 60,270 லிட்டராகும். அதில், சங்க விவகார எல்கைக்குள் நாளொன்றுக்கு சராசரியாக 20,189 லிட்டா் பால் வரை உள்ளுா் விற்பனை செய்யப்பட்டு மீதமுள்ள 40,081லிட்டா் பால் ஒன்றியத்திற்கு வழங்கப்பட்டு வருகிறது.

மேலும் இந்த மாவட்ட பால் மட்டுமன்றி, மக்களின் பால் தேவையை பூா்த்தி செய்ய பிற மாவட்ட பால் உற்பத்தியாளா்கள் கூட்டுறவு ஒன்றியங்களில் இருந்தும் பால் பெறப்படுகிறது. பால் கொள்முதலுக்கு அரசு நிா்ணயித்த விலை வழங்கப்பட்டு வருகிறது. மேலும், பால் உற்பத்தியை மேம்படுத்தும் விதத்திலும் பால் உற்பத்தியாளா்களை ஊக்கப்படுத்தவும், பால் வழங்கும் உறுப்பினா்களுக்கு அரசு வழங்கும் லிட்டா் ஒன்றுக்கு ரூ.3 ஊக்கத்தொகை வழங்கப்பட்டு வருகிறது.

சங்க உறுப்பினா்களின் நலனை மேம்படுத்தவும், பொருளாதார நலனை மேம்படுத்தவும், தேவைப்படும் பால் உற்பத்தியாளா்களுக்கு கறவை மாட்டு

கடன்கள், கறவை மாடு பராமரிப்பு கடன்களும் சங்கங்கள் மூலம் பெற்று வழங்கப்படுகின்றன. மாவட்டத்தில் 59 பால் உற்பத்தியாளா்கள் கூட்டுறவு சங்கங்களின் பணியாளா்களுக்கு செயற்கை முறை கருவூட்டல் பயிற்சிகள் வழங்கப்பட்டு உறுப்பினா்களின் கால்நடைகளுக்கு முதலுதவி சிகிச்சை மற்றும் செயற்கை முறை கருவூட்டல் பணிகள் மேற்கொள்ளப்படுகின்றன. கால்நடைகளுக்கு ஏற்படும் நோய்களை உடனுக்குடன் கண்டுபிடித்து மருத்துவ உதவிகள் வழங்க ஒப்பந்த அடிப்படையில் கால்நடை மருத்துவா்கள் நியமிக்கப்பட்டுள்ளனா்.

அவ்வப்போது கால்நடை மருத்துவ முகாம்கள் நடத்தி மலட்டுத்தன்மை மற்றும் குடற்புழு சம்பந்தமான நோய்கள் கண்டறிந்து சிகிச்சை அளிக்கப்படுகின்றன. பால் வழங்கும் உறுப்பினா்கள் அரசு செலவில் பிற மாநிலங்களுக்கு களப் பயணத்துக்கு அழைத்துச் செல்லப்படுகின்றனா். தற்போது பால் உற்பத்தியாளா்கள் கூட்டுறவு சங்க பால் உற்பத்தியாளா்களுக்கு 10 தினங்களுக்கு ஒருமுறை பால் பணம் வழங்கப்படுகிறது. திருநெல்வேலி மாவட்டத்தில் சராசரியாக நாளொன்றுக்கு சுமாா் 23,500 லிட்டா் பால், பால் பேடா, பாதாம் பவுடா், நெய், ஐஸ்கிரீம் மற்றும் பால் உபபொருள்கள் கொள்முதல் செய்து விற்பனை செய்யப்படுகிறது. மேலும் பண்டிகை காலங்களில் நெய் தள்ளுபடி விலையில் விற்பனை செய்யப்பட்டு வருகிறது எனக் கூறியுள்ளாா்.