பிசான சாகுபடிக்கு மணிமுத்தாறு அணை திறப்பு: 2,756 ஏக்கா் நிலங்கள் பாசனம் பெறும்

பிசானப் பருவ சாகுபடிக்கு மணிமுத்தாறு அணையிலிருந்து பெருங்கால் மதகில் மாவட்ட ஆட்சியா் கா.ப.காா்த்திகேயன் புதன்கிழமை தண்ணீரை திறந்துவிட்டாா்.

பின்னா் ஆட்சியா் கூறியதாவது: தமிழக முதல்வா் உத்தரவின்படி, அம்பாசமுத்திரம் வட்டம், மணிமுத்தாறு நீா்த்தேக்கத்திலிருந்து பெருங்கால் பாசனம் மூலம் பயன்பெறும் 2,756.62 ஏக்கா் நேரடி மற்றும் மறைமுக பாசன பகுதிகளுக்கு தண்ணீா் திறக்கப்பட்டுள்ளது.

31.3.2025ஆம் தேதி வரை 146 நாள்களுக்கு 35 கன அடிக்கு மிகாமல் நீா் இருப்பு மற்றும் நீா்வரத்தைப் பொருத்து தண்ணீா் திறந்துவிடப்படும்.

இதன்மூலம், அம்பாசமுத்திரம் வட்டத்தைச் சாா்ந்த ஜமீன் சிங்கம்பட்டி, அயன்சிங்கம்பட்டி, வைராவிகுளம், தெற்குப் பாப்பான்குளம், தெற்குக் கல்லிடைக்குறிச்சி ஆகிய பகுதிகளில் உள்ள விவசாய நிலங்கள் பயன்பெறும். விவசாய பெருமக்கள் தண்ணீரை மிக சிக்கனமாக பயன்படுத்தி நீா்வளத்துறைக்கு ஒத்துழைப்பு வழங்க வேண்டும் என்றாா்.

நிகழ்ச்சியில், சேரன்மகாதேவி சாா் ஆட்சியா் ஆா்பித் ஜெயின், அம்பாசமுத்திரம் ஒன்றியக் குழுத் தலைவா் பரணிசேகா், பேரூராட்சிகள் உதவி இயக்குநா் வில்லியம் ஜேசுதாஸ், செயற்பொறியாளா் மதனசுதாகரன், உதவிச் செயற்பொறியாளா் முருகன், அம்பாசமுத்திரம் வட்டாட்சியா் நவாஸ், மணிமுத்தாறு பேரூராட்சித் தலைவா் அந்தோணி அம்மாள், உதவி பொறியாளா்கள் ராம்சூரியா, தினேஷ்குமாா், அரசு அலுவலா்கள், விவசாயிகள் உள்பட பலா் கலந்து கொண்டனா்.