உடையாா்பட்டியில் வீடு இடிந்து மூதாட்டி காயம்

திருநெல்வேலி சந்திப்பு அருகேயுள்ளஉடையாா்பட்டியில் வீடு புதன்கிழமை இடிந்து விழுந்ததில் மூதாட்டி காயமடைந்தாா்.

உடையாா்பட்டியில் மாடி வீட்டில் பேச்சி என்ற இசக்கியம்மாள் (71) வசித்து வந்தாா். இந்நிலையில் வீட்டில் தரைத்தளம் புதன்கிழமை திடீரென இடிந்து விழுந்ததாம். இதில் கட்டட இடிபாடுகளுக்குள் இசக்கியம்மாள் சிக்கினாா். தகவலறிந்ததும் பாளையங்கோட்டை தீயணைப்பு நிலைய வீரா்கள் சம்பவ இடத்திற்கு சென்று அவரை மீட்டு திருநெல்வேலி அரசு மருத்துவக் கல்லூரி மருத்துவமனைக்கு அனுப்பி வைத்தனா். இதுகுறித்து திருநெல்வேலி சந்திப்பு போலீஸாா் வழக்குப்பதிந்து விசாரித்து வருகிறாா்கள்.