மத்திய அரசின் உஜ்வாலா திட்டத்தின் கீழ் 50 பெண்களுக்கு இலவச எரிவாயு இணைப்பு வழங்கும் விழா உடன்குடி பாஜக அலுவலகத்தில் நடைபெற்றது.
உடன்குடி ஒன்றிய பாஜக தலைவர் திருநாகரன் தலைமை வகித்தார். நகரத் தலைவர் ஜெயக்குமார் வரவேற்றார். சிறப்பு அழைப்பாளராக பாஜக மாவட்டச் செயலர் இரா.சிவமுருகன் ஆதித்தன் பங்கேற்று 50 பெண்களுக்கு    இலவச எரிவாயு இணைப்புகளை வழங்கினார். உடன்குடி ஒன்றிய பாஜக பொதுச்செயலர் சிவந்திவேல், அமைப்பு செயலர் அழகேசன்,சின்னத்துரை உள்பட  பலர் கலந்துகொண்டனர்.