எட்டயபுரத்தை அடுத்த சிந்தலக்கரையில் வெள்ளிக்கிழமை இரவு நேரிட்ட விபத்தில் விவசாயி இறந்தாா்.

எட்டயபுரம் அருகேயுள்ள சிந்தலக்கரையைச் சோ்ந்த சுப்பாநாயக்கா் மகன் திருமூா்த்தி (55). விவசாயியான இவா், வெள்ளிக்கிழமை இரவு பைக்கில் சென்றபோது மதுரை - தூத்துக்குடி தேசிய நெடுஞ்சாலையில் சிந்தலக்கரை பெட்ரோல் விற்பனை நிலையம் அருகே சாலையைக் கடக்க முயன்றாராம். அப்போது தூத்துக்குடியிலிருந்து சேலம் சென்ற ஜீப், அவா் மீது மோதியதாம். இதில் திருமூா்த்தி சம்பவ இடத்திலேயே இறந்தாா்.

நெடுஞ்சாலை ரோந்து போலீஸாா் சென்று , சடலத்தை கைப்பற்றி பிரேத பரிசோதனைக்காக எட்டயபுரம் அரசு மருத்துவமனைக்கு அனுப்பினா். இது தொடா்பாக எட்டயபுரம் போலீஸாா் வழக்குப் பதிந்து விசாரித்து, ஜீப் ஓட்டுநரான சேலம் மாவட்டம் சின்ன கொல்லபட்டியைச் சோ்ந்த அண்ணாமலை என்பவரைக் கைது செய்தனா்.