தூத்துக்குடியில் ஆட்டோ ஓட்டுநா் கொலை செய்யப்பட்ட வழக்கில் 4 பேரை போலீஸாா் புதன்கிழமை கைது செய்தனா்.

தூத்துக்குடி கேடிசி நகரைச் சோ்ந்த ஆட்டோ ஓட்டுநா் பிரேம்குமாா் (28) வீட்டு அருகே நின்றபோது செவ்வாய்க்கிழமை இரவு வெட்டிக் கொலை செய்யப்பட்டாா். இதுதொடா்பாக சிப்காட் போலீஸாா் வழக்குப் பதிந்து விசாரணை மேற்கொண்டு வந்தனா்.

இந்நிலையில், பிரேம்குமாா் கொலை தொடா்பாக தூத்துக்குடி டூவிபுரத்தைச் சோ்ந்த விக்னேஷ்வரன், அவரது சகோதரா் இசக்கி கணேஷ், உறவினா் முத்துபாண்டி, நண்பா் சங்கா் கணேஷ் ஆகிய 4 பேரை போலீஸாா் புதன்கிழமை கைது செய்து விசாரணை மேற்கொண்டு வருகின்றனா்.