காயல்பட்டினத்தில் ரூ. 35 ஆயிரம் மதிப்பிலான தடைசெய்யப்பட்ட புகையிலைப் பொருள்களை போலீஸாா் பறிமுதல் செய்தனா்.

காயல்பட்டினம் பகுதியில் ஆறுமுகனேரி காவல் உதவி ஆய்வாளா் முத்துக்கிருஷ்ணன் மற்றும் போலீஸாா் புதன்கிழமை ரோந்து சென்றனா். அப்போது அங்குள்ள வீட்டில் தடை செய்யப்பட்ட புகையிலைப் பொருள்கள் பதுக்கிவைத்து விற்பனை செய்யப்படுவதாக தகவல் கிடைத்தது. இதையடுத்து, அங்கு போலீஸாா் சோதனை நடத்தி, ரூ. 35 ஆயிரம் மதிப்பிலான புகையிலைப் பொருள்களைப் பறிமுதல் செய்தனா்.

இதுதொடா்பாக வீட்டின் உரிமையாளரான காயல்பட்டினம் லட்சுமிபுரத்தைச் சோ்ந்த மாணிக்கம் மகன் ராஜேஷ், உடன்குடி அருகேயுள்ள வைத்திய­லிங்கபுரத்தைச் சோ்ந்த ஜேக்கப்(55) ஆகிய இருவா் மீதும் போலீஸாா் வழக்குப் பதிந்து விசாரித்து வருகின்றனா்.