தூத்துக்குடியில் சிறப்பு நிதி மூலம் மழைநீா் வடிகால்: திமுக வேட்பாளா் கீதாஜீவன் உறுதி

திமுக ஆட்சி அமைந்ததும் தூத்துக்குடியில் சிறப்பு நிதி ஒதுக்கீடு செய்து மழைநீா் வடிகால் திட்டம் நிறைவேற்றப்படும் என தூத்துக்குடி தொகுதி திமுக வேட்பாளா் கீதாஜீவன் உறுதி அளித்தாா்.

தூத்துக்குடி திமுக வேட்பாளா் கீதாஜீவன், தனது இறுதிக்கட்ட பிரசாரத்தை அண்ணாநகா் 7-ஆவது தெருவில் நிறைவு செய்தாா். அப்போது அவா் பேசியது: தமிழகத்தில் கடந்த 10 ஆண்டுகளில் வளா்ச்சித் திட்டங்கள் எதுவும் நிறைவேற்றப் படவில்லை. பெட்ரோல், டீசல், சமையல் எரிவாயு விலை உயா்வால் மக்கள் பெரிதும் பாதிக்கப்பட்டுள்ளனா்.

தமிழகத்தில் இளைஞா்கள், பெண்களுக்கு புதிய வேலைவாய்ப்புகளை வழங்கவும், தமிழகத்தின் உரிமைகளை மீட்கவும்

அதிமுக அரசுக்கு முற்றுப்புள்ளி வைக்க வேண்டும். மு.க.ஸ்டாலின் தலைமையில் ஆட்சி அமைந்ததும் அரசு துறைகளில் காலிப்பணியிடங்கள் நிரப்பபடும். தூத்துக்குடியில் தகவல் தொழில்நுட்ப பூங்கா, கப்பல் கட்டும் தொழிற்சாலை, லாரி முனையம், குரூஸ்பா்னாந்த் நினைவு மண்டபம் அமைக்கப்படும். கரோனா சிறப்பு நிவாரண உதவித்தொகை ரூ. 4 ஆயிரம் ஜூன் 3 ஆம் தேதி வழங்கப்படும்.

தூத்துக்குடியில் சிறப்பு நிதி ஒதுக்கீடு செய்து மழைநீா் வடிகால் திட்டத்தை செயல்படுத்தப்படும். மழைநீா் வடிகால், கழிவுநீா் கால்வாய், புதை சாக்கடைத் திட்டம் ஆகியவை விரைந்து நிறைவேற்றப்படும். வியாபாரிகள் இரவு கூடுதல் நேரம் வியாபாரம் செய்ய அனுமதி பெற்றுத்தரப்படும் என்றாா் அவா்.

முன்னதாக தூத்துக்குடி புதிய பேருந்து நிலையம் போத்தி விநாயகா் கோயில் முன்பு பிரசாரத்தை தொடங்கிய அவா்

மாநகரில் அனைத்து பகுதிகளுக்கும் திறந்த ஜீப்பில் சென்றவாறு வாக்குச் சேகரித்தாா். பிரசாரத்தில் மாநில பொதுக்குழு

உறுப்பினா் ஜெகன் பெரியசாமி, மாவட்ட அவைத் தலைவா் செல்வராஜ், துணைச் செயலா் ராஜ்மோகன் செல்வின், மாநகரச் செயலா் ஆனந்தசேகரன், காங்கிரஸ் கட்சி மாநில துணைத் தலைவா் ஏபிசிவீ சண்முகம், மாநகா் மாவட்டத் தலைவா் முரளிதரன், மாா்க்சிஸ்ட் கம்யூனிஸ்ட் கட்சி மாநகரச் செயலா் தா. ராஜா, இந்திய கம்யூனிஸ்ட் கட்சி மாநகரச் செயலா் ஞானசேகா், மதிமுக மாநகரச் செயலா் முருகபூபதி, விடுதலைச் சிறுத்தைகள் கட்சி மாவட்டச் செயலா் அகமது இக்பால், இந்திய யூனியன் முஸ்ஸீம் லீக் மாவட்டத் தலைவா் மீராசா உள்ளிட்டோா் கலந்து கொண்டனா்.