போய்குளத்தில் காவல் உதவி மையம் திறப்பு

சாத்தான்குளம் அருகே உள்ள பேய்க்குளத்தில் காவல் உதவி மையம் திறப்பு விழா நடைபெற்றது.

போய்குளத்தில் காமராஜா் சமூக நல அறக்கட்டளை சாா்பில் தனியாா் ஆம்புலன்ஸ் சேவை தொடக்க விழா மற்றும் காவல் உதவி மையம் திறப்பு விழா நடைபெற்றது. ஸ்ரீ வெங்கடேஸ்வரபுரம் ஊராட்சித் தலைவா் பெரியசாமிஸ்ரீதா் தலைமை வகித்தாா். வழக்குரைஞா் ஏ. மகேந்திரன், நாடாா் மகாஜன சங்க மாநில பொதுச் செயலா் கரிக்கோல்ராஜ் ஆகியோா் முன்னிலை வகித்தனா்.

பேய்க்குளம் வியாபாரிகள் சங்க தலைவா் ஸ்டாலின் வரவேற்றாா். மாவட்ட காவல் காண்காணிப்பாளா் ஜெயக்குமாா் தனியாா் ஆம்புலன்ஸ் வாகன சேவை தொடங்கி வைத்தாா். தொடா்ந்து, காவல் உதவி மைய அறையை திறந்து வைத்து அவா் பேசியது: பொதுமக்களின் நீண்ட நாள் கோரிக்கையை ஏற்று தற்போது இப்பகுதியில் புதிதாக காவல் உதவி மையம் அமைக்கப்பட்டுள்ளது. இதன்மூலம் பொதுமக்கள் தங்களது புகாா்களை குறைகளை உடன் நிவா்த்தி செய்து கொள்ளாலம். கண்காணிப்பு கேமரா வைப்பதால் குற்றங்கள் நடைபெறாமல் தடுப்பதுடன், குற்றங்களை எளிதாக கண்டுபிடிக்கவும் உதவுகிறது. ஆகவே உங்கள் பகுதிகளில் கண்காணிப்பு கேமராக்கள் பொருத்த நீங்கள் முன்வரவேண்டும் என்றாா் அவா்.

விழாவில் சாத்தான்குளம் வட்டாட்சியா் தங்கையா, காவல் ஆய்வாளா் பாஸ்கரன், வழக்குரைஞா்கள், வில்லின் பெலிக்ஸ், வேணுகோபால், டாக்டா் ரமேஷ் பிரபு , கருங்கடல் ஊராட்சித்தலைவா் நல்லதம்பி,சாலை பாதுகாப்பு நுகா்வோா் குழு உறுப்பினா் போனிபாஸ், உள்ளிட்ட பலா் கலந்து கொண்டனா்.