அதிமுக, பாஜக உள்பட பல்வேறு கட்சிகளைச் சோ்ந்தவா்கள் திமுகவில் இணையும் நிகழ்ச்சி உடன்குடியை அடுத்த தண்டுபத்திலுள்ள அக்கட்சி அலுவலகத்தில் நடைபெற்றது.

சந்தையடியூா் திமுக பிரமுகா் மால் ராஜேஷ் ஏற்பாட்டில் அதிமுக, பாஜக, சமக, நாம் தமிழா் ஆகிய கட்சிகளைச் சோ்ந்த ஐம்பதுக்கும் மேற்பட்டோா் தமிழக மீன்வளம், மீனவா் நலன் மற்றும் கால்நடை பராமரிப்புத் துறை அமைச்சா் அனிதா ஆா்.ராதாகிருஷ்ணன் முன்னிலையில் திமுகவில் இணைந்தனா். அப்போது, திமுக மாநில மாணவரணி துணைச் செயலா் உமரிசங்கா், உடன்குடி ஒன்றிய திமுக செயலா் பாலசிங், நகரச் செயலா் ஜான்பாஸ்கா் ஆகியோா் உடனிருந்தனா்.