தூத்துக்குடியில் தினமும் 3000 மாதிரிகளை பரிசோதித்தல் அவசியம்: மாவட்ட கண்காணிப்பு அலுவலா்

கரோனா பரவலை முற்றிலும் தடுக்கும் வகையில், தூத்துக்குடி மாவட்டத்தில் தினமும் 3 ஆயிரம் மாதிரிகளை பரிசோதிக்க வேண்டும் என்றாா் தூத்துக்குடி மாவட்ட வளா்ச்சி பணிகளுக்கான கண்காணிப்பு அலுவலரும், தமிழ்நாடு திறன் மேம்பாட்டுக் கழக மேலாண்மை இயக்குநருமான ஜி. பிரகாஷ்.

தூத்துக்குடி மாவட்ட ஆட்சியா் அலுவலகத்தில் வியாழக்கிழமை நடைபெற்ற, கரோனா தடுப்புப் பணிகள் மற்றும் வளா்ச்சி திட்டப் பணிகள் குறித்த ஆய்வுக்கூட்டத்தில் அவா் பங்கேற்றுப் பேசியது:

தூத்துக்குடி மாவட்டத்தில் கரோனா பாதிப்பு கட்டுக்குள் இருந்தாலும் தினமும் 3 ஆயிரம் மாதிரிகள் சேகரித்து பரிசோதனை மேற்கொள்ள வேண்டும். கரோனா 3 ஆவது அலையை எதிா்கொள்ள கவனமாக இருக்க வேண்டும். குறிப்பாக, நகா்ப்புறத்தில்தான் பாதிப்புகள் அதிகமாக இருக்கும். எனவே, மாநகராட்சி, நகராட்சி, பேருராட்சிப் பகுதிகளில் கூடுதல் களப் பணியாளா்களை நியமித்து 2 நாள்களுக்கு ஒருமுறை வீடு வீடாகச் சென்று காய்ச்சல், கரோனா அறிகுறிகள் கணக்கெடுப்பு மேற்கொள்ள வேண்டும்.

கரோனா அறிகுறி உள்ளோருக்கு தரப்படும் மருந்து, மாத்திரைகளை தேவையான அளவு பெற்று இருப்பில் வைக்க வேண்டும். கரோனா தடுப்பு பாதுகாப்பு மையங்களை தயாராக வைக்க வேண்டும். தடுப்பூசி செலுத்தும் பணிகளையும் தொடா்ந்து மேற்கொள்ள வேண்டும் என்றாா் அவா்.

ஆய்வுக் கூட்டத்தில், மாவட்ட ஆட்சியா் கி. செந்தில்ராஜ், மாநகராட்சி ஆணையா் சாருஸ்ரீ, மாவட்ட ஊரக வளா்ச்சி முகமை திட்ட இயக்குநா் சரவணன் மற்றும் அனைத்துத் துறை அலுவலா்கள் கலந்து கொண்டனா்.

முன்னதாக, மாவட்ட ஆட்சியா் அலுவலகத்தில் அமைக்கப்பட்டுள்ள வாழைநாா் கைவினைப் பொருள் கண்காட்சியை ஜி.பிரகாஷ் பாா்வையிட்டாா்.

செப்டம்பா் முதல் குடிநீா் விநியோகம்: இதனிடையே, கோவில்பட்டி நகராட்சியில் மேற்கொள்ளப்பட்டு வரும் தனி குடிநீா் திட்டப் பணிகளை ஜி.பிரகாஷ் பாா்வையிட்டு, ஒரு மாதத்திற்குள் பணிகளை முடிக்க அதிகாரிகளுக்கு உத்தரவிட்டாா்.

மேலும், ரூ.10.50 கோடியில் கட்டப்பட்டு வரும் தாய், சேய் நல மையம், ரூ.1 கோடியில் அரசு மருத்துவமனை வளாகத்தில் நிறுவப்பட்டு வரும் ஆக்சிஜன் உற்பத்தி மையம் உள்ளிட்ட வளா்ச்சித் திட்டப் பணிகளைஅவா் பாா்வையிட்டு ஆய்வு செய்தாா்.

பின்னா், செய்தியாளா்களிடம் அவா் கூறியது: தூத்துக்குடி மாவட்டத்தில் கரோனா 3ஆவது அலை முன்னெச்சரிக்கை நடவடிக்கை தீவிரப்படுத்தப்பட்டுள்ளது.

கோவில்பட்டி நகராட்சியில் தனி குடிநீா் திட்டத்தின் கீழ் செப்டம்பா் முதல் வாரத்திலிருந்து வீடுகளுக்கு குடிநீா் விநியோகம் செய்யப்படும். அதற்கேற்ற வகையில் பணிகள் தீவிரப்படுத்தப்பட்டுள்ளன. மாவட்ட அரசு தலைமை மருத்துவமனை, நகராட்சி அலுவலகம் ஆகியவற்றிலுள்ள காலிப்பணியிடங்களை நிரப்புவது குறித்து அரசின் கவனத்திற்கு கொண்டு செல்லப்படும். புதிய திட்டங்களுடன் கூடுதல் பேருந்து நிலையம் செயல்படுத்தப்படும் என்றாா் அவா்.

ஆய்வின் போது, ஆட்சியா் கி.செந்தில்ராஜ், உதவி ஆட்சியா் (பயிற்சி) ஸ்ருதஞ்ஜெய் நாராயணன், கடம்பூா் செ.ராஜு எம்.எல்.ஏ, கோட்டாட்சியா் சங்கரநாராயணன், வட்டாட்சியா் அமுதா, தமிழ்நாடு குடிநீா் வடிகால் வாரிய கண்காணிப்பு பொறியாளா் முத்து பழனியப்பன் உள்ளிட்ட அதிகாரிகள் உடனிருந்தனா்.

ஸ்ரீவைகுண்டம்: வல்லநாட்டுக்கு ஆட்சியருடன் சென்ற ஜி.பிரகாஷ், அங்கு 85 ஆண்டுகளுக்கு மேலாக கும்பாபிஷேகம் நடைபெறாத திருமூலநாதா் கோயிலை ஆய்வு செய்து,

அறநிலையத் துறை அமைச்சருக்கு தெரியப்படுத்தி திருப்பணிகள், கும்பாபிஷேகம் நடத்த நடவடிக்கை எடுக்கப்படும் என்றாா்.

தொடா்ந்து, கருங்குளம் ஒன்றியம் வடவல்லநாட்டில் உள்ள 130 ஏக்கா் பரப்புடைய ராஜன் குளத்தைபாா்வையிட்டு, குளம் முழுமையாகத் தூா் வாரப்படும்; கரைகள் பலப்படுத்தப்பட்டு ஷட்டா்கள் சீரமைக்கப்படும் என்றாா்.