சிறப்பு குழந்தைகளுக்கு நிவாரணப் பொருள்கள்

மனநலன் பாதிக்கப்பட்ட சிறப்பு குழந்தைகளுக்கு, மாற்றுத் தினாளிகள் நலத் துறை மற்றும் ரெட்டிங்டன் பவுண்டேசன் சாா்பில், கரோனா நிவாரணப் பொருள்கள் வழங்கும் நிகழ்ச்சி தூத்துக்குடி வ.உ.சி. கல்லூரியில் வியாழக்கிழமை நடைபெற்றது,

இந்நிகழ்ச்சியில், மாவட்ட ஆட்சியா் கி. செந்தில்ராஜ் பங்கேற்று, 79 சிறப்பு குழந்தைகளுக்கு கொண்டைக்கடலை, அச்சுவெல்லம், சத்துமாவு, தேன்நெல்லி, பேரிச்சை, செவன் பிரகாஷ் லேகியம் உள்ளிட்ட சத்துப் பொருள்களையும், கல்வி உபகரணங்களையும் வழங்கினாா்.

தொடா்ந்து, தூத்துக்குடி முத்தம்மாள் காலனி வித்ய பிரகாசம் சிறப்பு குழந்தைகளுக்கான பள்ளியை ஆட்சியா் பாா்வையிட்டு, பள்ளியைச் சீரமைக்க நடவடிக்கை எடுக்குமாறு அலுவலா்களுக்கு உத்தரவிட்டாா்.

இதில், மாவட்ட மாற்றுத் திறனாளிகள் நல அலுவலா் பிரம்மநாயகம், வ.உ.சி. கல்லூரி முதல்வா் சொ. வீரபாகு, ரெட்டிங்டன் பவுண்டேசன் திட்ட மேலாளா் சண்முகவடிவு, வித்ய பிரகாசம் சிறப்பு குழந்தைகளுக்கான பள்ளி தலைமை ஆசிரியா் கவிதா மற்றும் பலா் கலந்துகொண்டனா்.

முன்னதாக, எட்டயபுரம் சாலையில் அமைந்துள்ள வேளாண்மைத் துறை ஒழுங்குமுறை விற்பனை கூடத்தில் திரவ உயிா் உற்பத்தியை ஆட்சியா் தொடங்கிவைத்தாா்.

ரூ. 12 லட்சம் உதவி: தூத்துக்குடி அரசு மருத்துவக் கல்லூரி மருத்துவமனையில் ரமேஷ் பிளவா் மில்ஸ் மற்றும் சென்னை ரோட்டரி கிளப் ஆப் கோரமண்டல் அமைப்பு சாா்பில் ரூ.12 லட்சம் மதிப்பிலான மருத்துவ உபகரணங்களை ரமேஷ் பிளவா் மில்ஸ் தலைமை செயல் அலுவலா் பி.எஸ்.ரமேஷ், மருத்துவக் கல்லூரி முதன்மையா் நேருவிடம் வழங்கினாா்.

இந்நிகழ்ச்சியில், மருத்துவமனைக் கண்காணிப்பாளா் பாவலன், ரமேஷ் பிளவா் மில்ஸ் நிா்வாகிகள் சந்திரசேகா், தெய்வநாயகம், சுப்பிரமணியன், ரோட்டரி கிளப் ஆப் கோரமண்டல் நிா்வாகி முத்தையாபிள்ளை, ராஜபாண்டி, ரவிராம் உள்ளிட்டோா் கலந்துகொண்டனா்.