எட்டயபுரம் அருகே சாலையோரம் நிறுத்தியிருந்த லாரியை திருடிச் சென்றபோது, முன்னால் சென்ற காா் மீது லாரி மோதி விபத்துக்குள்ளானதில் 4 போ் பலத்த காயமடைந்தனா்.

தூத்துக்குடி மாவட்டம் சாயா்புரத்தைச் சோ்ந்த நவமணி மகன் ஜான்சன் (30). லாரி ஓட்டுநரான இவா், எட்டயபுரம் அருகே சாலையோரம் லாரியை நிறுத்திவிட்டு சாப்பிடுவதற்காக சென்றாராம். திரும்பி வந்து பாா்த்தபோது லாரியை காணவில்லையாம். இதுகுறித்து அவா் எட்டயபுரம் போலீஸில் புகாா் அளித்தாா்.

இத்தகவல் நெடுஞ்சாலை ரோந்து போலீஸாருக்கு தெரிவிக்கப்பட்டு கண்காணிப்பு பணிகள் உஷாா்படுத்தப்பட்டன.

இந்நிலையில், தூத்துக்குடி டோல்கேட் அருகே வாலசமுத்திரம் பகுதியில் லாரியை போலீஸாா் மடக்கி பிடித்து, லாரியில் இருந்த விருதுநகா் மாவட்டம், இருக்கன்குடியைச் சோ்ந்த சமுத்திரகனி மகன் வெற்றிவேல் குமாா் (25) என்பவரை கைது செய்தனா்.

அவரிடம் நடத்திய விசாரணையில், குடிபோதையில் அவா் லாரியை கடத்திச் சென்றபோது , எட்டயபுரம் அடுத்த இளம்புவனம் கிராமம் அருகே முன்னால் சென்ற காா் மீது மோதியதும் தெரியவந்தது. இதில் தூத்துக்குடியைச் சோ்ந்த வைகுண்டம், இசக்கி, பேச்சியம்மாள், மாடத்தி ஆகிய 4 போ் பலத்த காயமடைந்ததும் தெரியவந்தது. காயமடைந்தவா்கள் தூத்துக்குடி அரசு மருத்துவமனையில் சிகிச்சைக்காக அனுமதிக்கப்பட்டுள்ளனா்.

இதுகுறித்து எட்டயபுரம் போலீஸாா் வழக்குப் பதிந்து விசாரித்து வருகின்றனா்.