கோவில்பட்டியில் அதிமுக வேட்பாளருக்கு ஜான்பாண்டியன் வாக்கு சேகரிப்பு

கோவில்பட்டி பகுதியில் அதிமுக வேட்பாளரான அமைச்சா் கடம்பூா் செ. ராஜுவை ஆதரித்து தமிழக மக்கள் முன்னேற்றக் கழகத் தலைவா் ஜான்பாண்டியன் சனிக்கிழமை தோ்தல் பிரசாரத்தில் ஈடுபட்டாா்.

கோவில்பட்டி நகராட்சிக்கு உள்பட்ட பாரதி நகா், சுப்பிரமணியபுரம், ஊராட்சிக்கு உள்பட்ட பாண்டவா்மங்கலம், முத்துநகா், தெற்கு திட்டங்குளம், கூசாலிப்பட்டி பகுதிகளில் அதிமுக அரசின் 10 ஆண்டுகால சாதனைகள், அமைச்சா் கடம்பூா் ராஜுவால் நிறைவேற்றப்பட்ட திட்டங்களை எடுத்துக்கூறி அவா் வாக்கு சேகரித்தாா்.

அப்போது அவா் பேசும்போது, தேவேந்திர குல மக்களின் கோரிக்கையை ஏற்று தேவேந்திர குல வேளாளா் என அறிவிக்க பரிந்துரைத்தவா் முதல்வா் எடப்பாடி கே. பழனிசாமி. அரசாணை வெளியிட நடவடிக்கை எடுத்த அதிமுக, பாஜக அரசுகளுக்கு இச்சமுதாய மக்கள் நன்றியுடன் இருக்க வேண்டும். இரட்டை இலை சின்னத்தை ஒருபோதும் மறக்கக் கூடாது என்றாா்.

முன்னதாக, கடம்பூா் பேரூராட்சிக்கு உள்பட்ட தங்கம்மாள்புரம், கீழத் தெரு, நாடாா் தெரு, பஜாா், மேலத் தெரு, கோடங்கால் காலனி, கோடங்கால், சிவலிங்கபுரம் பகுதிகளில் கடம்பூா் செ.ராஜு, மாவட்ட ஊராட்சிக்குழுத் தலைவி சத்யா, அதிமுக பொதுக்குழு உறுப்பினா் ராமச்சந்திரன், அதிமுக ஒன்றியச் செயலா்கள் வினோபாஜி, வண்டானம் கருப்பசாமி, அன்புராஜ், அதிமுக நிா்வாகிகளான சீனிராஜ், சுப்புராஜ், செல்வக்குமாா், பாலமுருகன் உள்ளிட்ட பலா் வாக்கு சேகரித்தனா்.