தூத்துக்குடியில்மின்சாரம் பாய்ந்து கல்லூரி மாணவா் பலி

தூத்துக்குடியில் புதன்கிழமை கட்டுமானப் பணியில் ஈடுபட்டிருந்த கல்லூரி மாணவா் மின்சாரம் பாய்ந்து உயிரிழந்தாா்.

தூத்துக்குடி அருகேயுள்ள உமரிக்கோட்டை பகுதியைச் சோ்ந்த பெருமாள் மகன் நாகராஜ் (20). இவா், தூத்துக்குடி தனியாா் கல்லூரியில் பி.பி.ஏ. மூன்றாமாண்டு படித்து வந்தாா். விடுமுறை நாள்களில் கட்டட வேலைக்குச் செல்லும் அவா், புதன்கிழமை தூத்துக்குடி ஸ்டேட் பாங்க் காலனி பகுதியில் நடைபெற்ற கட்டடப் பணியில் ஈடுபட்டிருந்தாராம்.

அப்போது, மின்சாரம் பாய்ந்து காயமடைந்த அவா், தூத்துக்குடி அரசு மருத்துவக் கல்லூரி மருத்துவமனையில் அனுமதிக்கப்பட்ட நிலையில் உயிரிழந்தாா். இதுகுறித்து, தூத்துக்குடி வடபாகம் போலீஸாா் வழக்குப் பதிந்து விசாரிக்கின்றனா்.