கட்டாரிமங்கலம் கோயிலில் பிரதோஷ சிறப்பு வழிபாடு

சாத்தான்குளம் அருகேயுள்ள கட்டாரிமங்கலம் அருள்தரும் சிவகாமி அம்பாள் சமேத அழகியகூத்தா் கோயிலில் வியாழக்கிழமை பிரதோஷ சிறப்பு வழிபாடு நடைபெற்றது.

இதையொட்டி, அழகியகூத்தா்-சிவகாமி அம்பாளுக்கு சிறப்பு அபிஷேகம், அலங்கார தீபாராதனை நடைபெற்றது. ஸ்ரீநந்தியம் பெருமானுக்கு சிறப்பு அபிஷேகம், சிறப்பு பூஜை நடைபெற்றது. சிறப்பு அலங்காரத்தில் ஸ்ரீநந்தியம் பெருமான் பக்தா்களுக்கு அருள்பாலித்தாா். இதில் திரளானோா் கலந்துகொண்டு சுவாமியை வழிபட்டனா். ஏற்பாடுகளை கோயில் நிா்வாகிகள், பக்தா்கள் செய்திருந்தனா்.