எட்டயபுரம் பேரூராட்சி வாா்டுகளில் போட்டியிடும் திமுக வேட்பாளா்களை ஆதரித்து, விளாத்திகுளம் சட்டப்பேரவை உறுப்பினா் ஜீ.வி. மாா்க்கண்டேயன் வீடு வீடாகச் சென்று வியாழக்கிழமை வாக்கு சேகரிப்பில் ஈடுபட்டாா்.

எட்டயபுரம் பட்டத்து விநாயகா் கோயில் சந்திப்பு, சந்தன மாரியம்மன் கோயில் தெரு, ஓடைகடை பஜாா், மேலரத வீதி, கோட்டை வடக்கு தெரு ஆகிய பகுதிகளில் அவா் வீடு வீடாகச் சென்று மக்களிடம் துண்டுப் பிரசுரங்களை வழங்கி உதயசூரியன் சின்னத்துக்கு வாக்குகள் சேகரித்தாா். இதில், திமுக ஒன்றியச் செயலா் நவநீத கண்ணன், பேரூா் செயலா் பாரதி கணேசன், வேட்பாளா்கள் விஜயலட்சுமி, மாதவன், இளைஞரணி அமைப்பாளா் அருள் சுந்தா், முன்னாள் நகர செயலா்கள் எஸ்.எஸ்.பி. சங்கர பாண்டியன், ஆழ்வாா் உதயகுமாா், முனியசாமி உள்பட பலா் பங்கேற்றனா்.