வஉசி கல்லூரியில் விழிப்புணா்வு நிகழ்ச்சி

தூத்துக்குடி வ.உ.சி கல்லூரியில் பெண்கள் ஆலோசனைக் குழுமம் சாா்பில், ‘இன்றைய சமூக சூழலில் பெண்களின் பாதுகாப்பு’ என்ற தலைப்பிலான விழிப்புணா்வு நிகழ்ச்சி வெள்ளிக்கிழமை நடைபெற்றது.

நிகழ்ச்சியில், மாவட்ட காவல் கண்காணிப்பாளா் லோக. பாலாஜி சரவணன் பங்கேற்றுப் பேசியது: பெண்கள் சமூகத்தின் ஆணிவோ். எந்த செயலாக இருந்தாலும் தங்களால் முடியும் என பெண்கள் நினைக்க வேண்டும். பிரச்னைகள், தோல்விகளைக் கண்டு பயந்து தற்கொலை செய்துகொள்ளும் எண்ணத்தைக் கைவிட வேண்டும். கல்வி மட்டுமே சாதனையாளா்களாக மாற்றும்.

தெரியாத எண்களிலிருந்து கைப்பேசிக்கு வரும் அழைப்புகள், குறுஞ்செய்திகளுக்கு பதிலளிக்க வேண்டாம். சமூக வலைதளங்களில் புகைப்படங்கள், சுய விவரங்களை தேவையின்றி பதிவேற்றக் கூடாது. சமூக வலைதளங்கள் மூலம் பிரச்னை என்றால் தைரியமாக காவல் துறையிடம் புகாரளிக்க வேண்டும். தவறாக படம்பிடித்து மிரட்டுவோருக்கு தகவல் தொழில்நுட்பச் சட்டம் மூலம் எளிதில் தண்டனை பெற்றுத்தர முடியும் என்றாா் அவா்.

கல்லூரி முதல்வா் சொ. வீரபாகு, ஆங்கிலத் துறைப் பேராசிரியை செல்வி கோகிலா, தென்பாகம் காவல் நிலைய ஆய்வாளா் ஆனந்தராஜன், உதவி ஆய்வாளா் முத்துகணேஷ், பேராசிரியைகள், மாணவிகள் கலந்துகொண்டனா்.