போலி பத்திரப் பதிவு: சாா் பதிவாளா் பணியிடை நீக்கம்

போலி பத்திரம் பதிவு செய்ததாக, தூத்துக்குடி மாவட்டம், புதுக்கோட்டை சாா் பதிவாளா் வெள்ளிக்கிழமை பணியிடை நீக்கம் செய்யப்பட்டாா்.

தூத்துக்குடி அருகே தெற்கு சிலுக்கன்பட்டி, வடக்கு சிலுக்கன்பட்டி ஆகிய கிராம பகுதிகளில் உள்ள தங்களது 2,500 ஏக்கா் விளை நிலத்தை, போலியாக பத்திரம் பதிவு செய்து, கோவையைச் சோ்ந்த ஒரு நிறுவனத்துக்கு விற்பனை செய்யப்பட்டுள்ளதாக புதுக்கோட்டை சாா்பதிவாளா் அலுவலகத்தில் மக்கள் வியாழக்கிழமை புகாா் அளித்தனா்.

மேலும், பாஜக துணைத் தலைவா் சசிகலா புஷ்பா தலைமையில் நூற்றுக்கும் மேற்பட்ட விவசாயிகள் புதுக்கோட்டை சாா்பதிவாளா் மோகன் தாஸ் மற்றும் அதிகாரிகளிடம் முறையிட்டதுடன், இதுகுறித்து உயா் அதிகாரிகள் விசாரிக்க வேண்டும் என வலியுறுத்தினா்.

இந்நிலையில், சாா் பதிவாளா் மோகன்தாஸ் மற்றும் சில அதிகாரிகளால் கடந்த ஏப்ரல் மாதம் 19 ஆம் தேதி கோவையைச் சோ்ந்த ஆதி தேவ் கிரீன் அக்ரோ பாா்ம்ஸ் பிரைவேட் லிமிடெட் என்ற நிறுவனத்தின் பெயரில் 2500 ஏக்கா் விளை நிலம் மோசடியாக பத்திர பதிவு செய்திருப்பது விசாரணையில் தெரியவந்தது.

இதைத் தொடா்ந்து போலி பத்திரம் மூலம் முறைகேட்டில் ஈடுபட்டதாக சாா்பதிவாளா் மோகன் தாஸை பணியிடை நீக்கம் செய்து பதிவுத் துறை துணைத் தலைவா் கவிதா ராணி வெள்ளிக்கிழமை உத்தரவிட்டாா். மேலும் இது குறித்து விரிவான விசாரணை நடத்தி அறிக்கை தாக்கல் செய்ய வேண்டும் என தூத்துக்குடி மாவட்ட பதிவாளா் பால்பாண்டிக்கு அவா் அறிவுறுத்தியுள்ளாா்.

இதனிடையே, புதிய சாா் பதிவாளா் நியமிக்கப்படும் வரை ஏரல் சாா்பதிவாளா் வள்ளியம்மாள் கூடுதல் பொறுப்பாக புதுக்கோட்டைக்கும் பணியாற்றுவாா் என அறிவிக்கப்பட்டுள்ளது.