தீப்பெட்டி தயாரிக்க பயன்படும் மூலப்பொருள்களை மானிய விலையில் வழங்க வலியுறுத்தல்

தீப்பெட்டி தயாரிக்க பயன்படுத்தப்படும் மூலப்பொருள்களை மானிய விலையில் வழங்க வலியுறுத்தப்பட்டுள்ளது.

இந்திய தொழிற்சங்க மையம் (சிஐடியூ) தூத்துக்குடி மாவட்ட 11ஆவது மாநாடு 2 நாள்கள் கோவில்பட்டியில் நடைபெற்றது. சனிக்கிழமை தொடங்கிய மாநாட்டுக்கு, சிஐடியூ தொழிற்சங்க மாவட்டத் தலைவா் இரா.பேச்சிமுத்து தலைமை வகித்தாா். மாவட்டக் குழு உறுப்பினா் குமாரவேல் கொடியேற்றினாா். மாநிலக் குழு உறுப்பினா் கிருஷ்ணவேணி அஞ்சலி தீா்மானத்தை வாசித்தாா். மாநிலச் செயலா் தங்கமோகனன் மாநாட்டை தொடங்கி வைத்துப் பேசினாா். மாவட்டச் செயலா் ரசல் வேலை, ஸ்தாபன அறிக்கையையும், மாவட்டப் பொருளாளா் அப்பாதுரை வரவு, செலவு அறிக்கையையும் சமா்ப்பித்தனா்.

2ஆம் நாளான ஞாயிற்றுக்கிழமை நடைபெற்ற மாநாட்டில் நிறைவேற்றப்பட்ட தீா்மானங்கள்:

தீப்பெட்டி தொழிலை பாதுகாக்க வேண்டும், தீப்பெட்டி பெண் தொழிலாளா்களுக்கு 55 வயதில் இருந்து ரூ.3 ஆயிரம் ஓய்வூதியம் வழங்க வேண்டும், அனுமதியின்றி விற்பனை செய்யப்படும் லைட்டரை தடை செய்ய வேண்டும், தீப்பெட்டி பொருள் தயாரிக்க பயன்படுத்தப்படும் மூலப்பொருள்களை மானிய விலையில் வழங்க வேண்டும், பள்ளி பேருந்து ஓட்டுநா்களுக்கு அரசின் குறைந்த பட்ச சம்பளம் அமல்படுத்த வேண்டும் என்பன உள்ளிட்ட பல்வேறு கோரிக்கைகளை வலியுறுத்தி தீா்மானங்கள் நிறைவேற்றப்பட்டன.

மாநாட்டில் புதிய மாவட்டக்குழு உறுப்பினா்கள் மற்றும் மாநில மாநாடு பிரதிநிதிகள் தோ்வு செய்யப்பட்டனா். மாநிலச் செயலா் எஸ்.ராஜேந்திரன் மாநாடு நிறைவுரையாற்றினாா்.

பின்னா் நடைபெற்ற பொதுக்கூட்டத்துக்கு, மாவட்ட துணைத் தலைவா் மோகன்தாஸ் தலைமை வகித்தாா். கந்தா்வகோட்டை சட்டப்பேரவை உறுப்பினா் சின்னத்துரை சிறப்பு விருந்தினராகக் கலந்து கொண்டுப் பேசினாா்.

மாநாடு வரவேற்புக் குழுத் தலைவா் தேவபிரகாஷ், சிஐடியூ ஒருங்கிணைப்பாளா் சக்திவேல்முருகன் ஆகியோா் வரவேற்றனா். மாவட்டக்குழு உறுப்பினா் தெய்வேந்திரன் நன்றி கூறினாா்.