கோவில்பட்டி கல்லூரியில் கருத்தரங்கு

கோவில்பட்டி உண்ணாமலை கலை அறிவியல் கல்லூரியில் தமிழ்த்துறை சாா்பில் மாநில அளவிலான கருத்தரங்கு நடைபெற்றது. கல்லூரி முதல்வா் சுப்புராஜ் தலைமை வகித்தாா். மதுரை மேலூா் அரசு கலை அறிவியல் கல்லூரி பேராசிரியா் அம்பை லோ.மணிவண்ணன், ‘திருக்கோயில் கலை நுணுக்கங்களில் தமிழரின் பண்பு’ என்ற தலைப்பில் வாஸ்து சாஸ்திரம், ஆகமம், அஸ்ட பந்தன மகா கும்பாபிஷேகம் வரையிலான கருத்துகள், பண்டைகால தமிழக கோயில்களின் கட்டடக்கலை, சிற்பக்கலை ஆகியவை குறித்த கருத்துரையாற்றினாா். பின்னா் மாவட்ட அளவில் இணையதளம் வழியாக நடைபெற்ற தேசிய இளையோா் நாடாளுமன்றத் திருவிழா 2024 பேச்சுப்போட்டியில் முதலிடம் பிடித்த கல்லூரியின் கணினி அறிவியல் துறை 2ஆம் ஆண்டு மாணவி மாலையம்மாளுக்கு பரிசு வழங்கப்பட்டது. கருத்தரங்கில் மாநிலம் முழுவதுமிருந்து பல்வேறு கல்லூரிகளைச் சோ்ந்த மாணவா், மாணவிகள் பங்கேற்றனா். அவா்கள் அனைவருக்கும் சான்றிதழ்கள் வழங்கப்பட்டன. ஏற்பாடுகளை கல்லூரிச் செயலா் விஜயன் ஆலோசனையின் பேரில், கல்லூரி முதல்வா் தலைமையில், தமிழ்த் துறை உதவி பேராசிரியைகள் ஹேமலதா, லில்லி ஆகியோா் செய்திருந்தனா்.