‘தூத்துக்குடி தெற்கு மாவட்டத்தில் நாளை திமுக வேட்பாளா் கனிமொழி வாக்கு சேகரிப்பு’

தூத்துக்குடி தெற்கு மாவட்டத்தில் திமுக வேட்பாளா் கனிமொழி திங்கள்கிழமை (மாா்ச் 24) வாக்கு சேகரிக்கிறாா் என, மீன்வளம்- மீனவா் நலன், கால்நடை பராமரிப்புத் துறை அமைச்சா் அனிதா ஆா். ராதாகிருஷ்ணன் தெரிவித்துள்ளாா். இதுகுறித்து அவா் வெளியிட்ட செய்திக்குறிப்பு: இந்தியா கூட்டணியின், தூத்துக்குடி மக்களவைத் தொகுதி திமுக வேட்பாளா் கனிமொழி வாக்கு சேகரிக்கும் பணியை திருச்செந்தூரில் திங்கள்கிழமை மாலை 4 மணிக்கு தொடங்குகிறாா். இதில், கூட்டணியில் உள்ள அனைத்துக் கட்சிகளின் தலைவா்கள், பொறுப்பாளா்கள் பங்கேற்கின்றனா். திருச்செந்தூா் நகராட்சி தேரடித் திடலில் தொடங்கி முத்தாரம்மன் கோயில் தெரு, தோப்பூா் பகுதி, அமலிநகா், ஆலந்தலை பகுதிகளில் அவா் வாக்கு சேகரிக்கவுள்ளா். தொடா்ந்து, மேலத்திருச்செந்தூா் ஊராட்சி நா.முத்தையாபுரம், அம்பேத்கா் சிலை அருகே, பிச்சிவிளை காமராஜா்சிலை, காயாமொழி பஜாா், பூச்சிக்காடு ஊராட்சி, சோனகன்விளை, சண்முகபுரம் வழியாக வீரபாண்டியன்பட்டணம், அடைக்கலாபுரம், மூலக்கரை, நல்லூா் பகுதிகளிலும், இறுதியில் அம்மன்புரத்திலும் அவா் வாக்கு சேகரிக்கிறாா். நிகழ்வில், கூட்டணிக் கட்சிகளின் மாநில, மாவட்ட நிா்வாகிகள், தோ்தல் பொறுப்பாளா்கள், தொண்டா்கள், பொதுமக்கள், விவசாயிகள் பங்கேற்று ஆதரவு தரவேண்டும் என்றாா் அவா்.